म्याग्दीको धवलागिरी गाउँपालिका-७,ताकमस्थित ताकम माध्यमिक बिद्यालयमा जेहेन्दार, विपन्न, अनुशासित तथा बेसहारा बालबालिकालाई सहयोग गर्ने गरी तिन परिवारले अक्षय कोष स्थापना गरेका छन् ।
आर्थिक अभावकै कारण पठनपाठनमा समस्या झेल्दै आएका बालबालिकालाई लक्षित गरी केदारनाथ पौडेलद्वारा जेष्ठ सुपुत्र बासुदेब पौडेलको स्मृतिमा १ लाख १ हजार, विद्यालयका पुर्ब प्रधानाध्यापक फरिणद्रनाथ सुबेदीद्वारा धर्मपत्नी स्वर्र्गीय खेमावती सुबेदिको स्मृतिमा १ लाख १ हजार ताकमका शन्तु पौडेलद्वारा माता हरिकला जैसिको स्मृतिमा ५१ हजार अक्षय कोष स्थापना गर्नु भएको हो ।
तीनवटै अक्षय कोषको ब्याजबाट लक्षित विद्यार्थीलाई सहयोग गरिने विद्यालयका प्रधानाध्यापक ओमकार पौडेलले बताउनुभयो । अक्षयकोष स्थापना गर्ने सामाजिक ब्यत्तित्व,शिक्षाप्रेमी,कर्मनिष्ठ एबम सहयोगीहरुलाई प्रअ पौडेलले धन्यवाद दिनुभयो ।
