नेपालको पहिलो अन्तर्राष्ट्रिय फ्रेन्चाइज गायन रियालिटी शो ‘नेपाल आइडल’को पाँचौं संस्करणमा उत्कृष्ट १२ मा पर्न सफल बेनी नगरपालिका वडा नं ८ निवासी सन्तोष पुनलाई लिटल गार्डेन एकेडेमीले सम्मान गरेको छ ।
नेपाल आइडलको सिजनमा प्रेरणादायी कामका कारण पनि चर्चामा आएका पुनलाई एक समारोहका बिच विद्यालयले कदरपत्र र दोसल्ला ओडाएर सम्मान गरेको हो । विद्यालयका प्रिन्सिपल दिपक सुबेदी, प्राज्ञिक सल्लाहकार प्रेमबहादुर जिसी, अतिरिक्त क्रियाकलाप संयोजक रामप्रसाद सुबेदी र कोअर्डिनेटर रन्जता सुबेदीले सम्मान गदैं गायन क्षेत्रलाई निरन्तरता दिन शुभकामना दिनुभएको थियो ।
सोही अवसरमा सम्मानित हुन पाउँदा उर्जा थपिएको बताउँदै गीतसंगीतको यात्रा थप उचाईमा पुर्याउने गरी मेहनत गर्ने पुनको प्रतिबद्धता थियो । ‘नेपाल आइडल’मा पुनले गोल्डेन माइकबाट पाउनुका साथै क्यान्सर पीडित आमाको उपचार, बुबाले गरेको पसलको जिम्मेबारी तथा गायन क्षेत्रलाई समेत समय दिएको भिडियोले दर्शक समेत भाबुक भएका थिए ।
