एसईई सूचकमा सामुदायिक विद्यालयको नतिजा : बेनी सामुदायिक मावि प्रथम, ज्ञानप्रकाश मावि द्धितिय

शिक्षा विकास तथा समन्वय इकाई म्याग्दीले माध्यमिक शिक्षा परीक्षा (एसईई) नतिजा विश्लेषण गरी मंगलबार सार्वजनिक गरेको छ । राष्ट्रिय सुचाङ्क प्रणालीको आधारमा तय गरिएको ५ सूचकको आधारमा नतिजा मुल्याङ्कन गरी सार्वजनिक गरिएको हो ।

इकाईले सूचकको आधारमा स्तर निर्धारण गरी सार्वजनिक गरेको नतिजामा बेनी नगरपालिका–७, बेनीबजारस्थित बेनी सामुदायिक माविले ८०.१७ सहित प्रथम भएको छ भने उत्तरी म्याग्दीको अन्नपूर्ण गाउँपालिका–३ दानास्थित ज्ञानप्रकाश माविले ७८.१९ सहित दोस्रो स्थानमा रहेको छ ।

औषत जिपिए बेनी सामुदायिक र ज्ञानप्रकाश माविको २.७० रहेको भएपनि ज्ञानप्रकाशले छात्रातर्फ सामुदायिकमा जिल्ला द्धितिय भएपनिर रजिस्टे«सन, आवेदन र सहभागी विद्यार्थी घटेकाले सम्रग जिल्लाभरी सामुदायिक तर्फ दोस्रो भएको छ ।

त्यस्तै सामुदायिकतर्फ अन्नपूर्ण गापा–६, घारस्थित मुक्तिमार्ग मावि ७६.९८, बेनपा–४ स्थित सरस्वती मावि ७६.३० र बेनपा–५ जनकल्याण मावि पुलाचौरले ७५.९५ टप ५ सामुदायिक विद्यालयभित्र परेको छ ।

जिल्ला सामुदायिक विद्यालयतर्फ सबैभन्दा कमजोर धवलागिरी गाउँपालिका–५,मल्कवाङको जनजागृति मावि भएको छ । म्याग्दीका कुल ७३ विद्यालय सहभागी रहेको एसईईमा जनजागृति मावि ७३ नम्बरमा रहेको छ भने धवलागिरी गापा-४ मुदीको बुद्धिविकास मावि र वडा नं ७ धारापानीस्थित किसानी मावि क्रमश ७२ र ७१ स्थानमा रहेको छ ।

राष्ट्रिय सुचाङ्क प्रणालीको आधारमा तय गरिएको ५ सूचकमा विद्यालयले प्राप्त गरेको कुल नतिजामा ६० अंक, नतिजाको औषत १० अंक, रजिस्टे«शन गरी सहभागी १० र आवेदन भरेका मध्ये कती सहभागी भएको १० अंक र विद्यार्थीको सहभागिता १० अंक रहेको इकाईका प्रमुख दल थापाले बताउनुभयो ।

‘नजिता कमजोर भएका विद्यालयको विगतमा पनि धेरै गुनासो थियो,‘ब्यवस्थापनमा भएको कमजोरीले विद्यार्थीको नतिजा खस्किएको छ’ प्रमुख थापाले भन्नुभयो । कमसल विद्यालयमा ब्यवस्थापन पक्ष, शैक्षिक जनशक्तीको अवस्था र विद्यार्थीको पढाईप्रतिको रुचीलाई मध्यनजर गरी थप योजना सहित अगाडी बढ्नुपर्नेमा इकाईको जोड रहेको छ। जिल्लाको औषत जिपिय २.३१ हुँदा ४५ विद्यालयको जिपिए औषतभन्दा तल रहेको छ ।

शैक्षिक सत्र २०७४, २०७५, २०७८ को नतिजा विश्लेषण गर्दा उच्च जिपिए प्राप्त गर्ने विद्यार्थीहरुको संख्या क्रमश घट्दै गएको देखिन्छ । जिल्लामा ३.६ देखि ४ जिपिए प्राप्त गर्ने विद्यार्थीहरुको संख्या क्रमश २०७४, २०७५ र २०७८ मा क्रमश ४८, ३४ र २४ रहेको छ । जिल्लाभरको नतिजा हेर्दा न्यून जिपिए प्राप्त गर्ने विद्यार्थीहरुको संख्या क्रमश बढ्दो रहेको छ ।

विद्यार्थीले प्राप्त गरेको GPA को आधारमा जिल्लाको नतिजा यस प्रकार रहेको छ ।

माध्यमिक शिक्षा परीक्षा २०७८ मा वढि विद्यार्थी सहभागीता गराउने आधारमा विद्यालयको क्रम यस प्रकार रहेको छ ।

औसत GPA का आधारमा विद्यालयहरूको क्रम यस प्रकार रहेको छ ।

जिल्लाको औसत GPA 2.31 हुँदा ४५ विद्यालयको GPA औसत भन्दा तल रहेको छ ।

सूचकका आधारमा विद्यालयको क्रम यस प्रकार रहेको छ ।

संस्थागत तर्फ

सामुदायिक तर्फ

शैक्षिक सत्र २०७४, २०७५ र २०७८ को नतिजा विश्लेषण गर्दा उच्च GPA प्राप्त गर्ने विद्यार्थीहरूको संख्या क्रमश घट्दै गएको देखिन्छ । 3.6 देखि 4 GPA प्राप्त गर्ने विद्यार्थीहरूको संख्या क्रमश २०७४, २०७५ र २०७८ मा ४८, ३४ र २४ रहेको छ । न्यून GPA प्राप्त गर्ने विद्यार्थीहरूको संख्या क्रमश बढ्दो रहेको छ ।