पूर्व मिस फिनल्याण्डले निराधार र कपोकल्पित आरोप लगाउँदै आफ्नो दुष्प्रचार गरेको भन्दै पर्वतारोहणको क्षेत्रमा विश्वमै दुलर्भ किर्तिमान कायम गरेका निर्मल पूर्जा ‘निम्स’ (एमबीइ)ले त्यसप्रति आफ्नो ध्यानाकर्षण भएको बताउँदै समाचारको खण्डन गरेका छन् ।
‘द न्युयोर्क टाइम्स’ले हिमाल आरोहणका क्रममा पुर्जाबाट पूर्व मिस फिनल्याण्ड लोट्टा हिन्टसा र डा. अप्रिल लियोनार्डोले आफुँहरूलाई यौन दुर्व्यवहार गरेको भन्दै समाचार प्रकाशित गरे लगत्तै आफ्नो चरित्र हत्या गर्ने काम भइरहेको भन्दै इस्टाग्राम (निम्सदाइ)मा मार्फत आरोपको खण्डन गरेका हुन् ।
हिन्टसाले न्युयोर्क टाइम्ससँगको पछिल्लो कुराकानीमा कोठामा पुगेर जबरजस्तीको प्रयास गरेको आरोप लगाएकी थिइन् । त्यस्तै डा. अप्रिल लियोनार्डोले समेत पूर्जाले जबरजस्ती चुम्बन लिएको दावीको आफ्नो ‘म बिरुद्ध जघन्य आरोपहरू लगाइएको छ,यो कुनैपनि हालतमा सत्य छैन, मैले कानुनी उपचार खोज्नेछु, मेरो यात्रालाई रोक्न, दवाउनमा अपमानजनक र झूटा आरोप लगाइएको छ’ पूर्जाले भने।
उनले आफ्नो भनाई राख्ने अवसर समेत नदिइएको र एकपक्षिय खवर प्रकाशित गरेको दाबी गरे । आफ्नो व्यक्तिगत र पर्वतारोहणको क्षेत्रमा प्राप्त सफलतालाई रोक्न चरित्रहत्या गर्ने दूषित मनसाय लिएर केही व्यक्तिहरूले आफूलाई लक्षित गरेर निराधार आरोप लगाउँदै दुष्प्रचार गरेको बताए । ‘म बिरुद्ध केहीसमय यता श्रृंखलाबद्ध आक्रमण भइरहेको छ,‘मेरो पर्वतारोहण क्षेत्रमा प्राप्त सफलतालाई बदनाम गर्ने गिरोह परिचालित छ’ पूर्जाले भने ।
उनले अवरोधलाई पन्छाउँदै विश्वभर पर्वतारोहणको क्षेत्रमा थप उचाईमा पुग्ने गरी निरन्तर काम गर्ने बताए । म्याग्दीको अन्नपूर्ण गाउँपालिका–३ दाना घर भएका पूर्जाले विश्वका ८ हजार मिटरभन्दा अग्ला संसारका १४ वटा हिमालमध्ये १३ वटा हिमाल बिना अक्सिजन सफल आरोहण गरेको सहित आधादर्र्जभन्दा बढी किर्तिमानी कायम गरेका छन् ।
उनले विश्वका आठ हजार मिटर अग्ला हिमालहरु ४४ पटक सफल आरोहण गरी अर्को विश्व कीर्तिमान कायम गरेको इलाईट हिमालयन एडभेन्चर्स प्राइभेट लिमिटेडले जनाएको छ । पूर्जाले जाडो सिजनमा विश्वकै दोस्रो अग्लो ‘के–टु’ हिमालको समेत आरोहण गरी विश्वभरका आरोहीलाई चकित पार्ने किर्तीमानी समेत कायम गरेका थिए ।
सन् २००३ मा पोखरास्थीत ब्रिटिश क्याम्पमा ब्रिटिस आर्मीमा छनौट भर्ना भई संयुक्त अधिराज्य बेलायतको क्याट्रिकस्थित आर्मी टे«निङ सेन्टरबाट आधारभुत तालिमको ज्ञान प्राप्त गरेका थिए । सगरमाथा आरोहणको क्रममा मृत्यु पर्खेर बसेका एक अर्का आरोहीलाई समेत उद्धार गर्न सफल भएका पूर्जाले बेलायती महारानीबाट प्रतिष्ठित एमबिई अवार्ड प्राप्त गरेका थिए ।
