स्वास्थ्य कार्यालय म्याग्दीको आयोजनामा रघुगंगा गाउँपालिका स्तरीय बक्तित्वकला प्रतियोगितामा मुक्तिधाम माध्यमिक विद्यालयकी छात्रा रेजीता भण्डारीले पहिलो स्थान हासिल गरेकी छिन् ।
महिनावारी स्वच्छन्दता विषयक उक्त प्रतियोगितामा मुक्तिधाम मावि भगवतीकी रेजीता भण्डारीले पहिलो स्थान हासिल गर्दा महादेव माध्यमिक विद्यालय बेगकी बविता गर्बुजाले दोश्रो स्थान हासिल गरेकी छिन् । 
रघुगंगा माध्यमिक विद्यालय पिप्लेकी रविसा मल्ला तेश्रो र मालिका अधारभुत विद्यालय ठाडाखानीकी ललीता छन्त्यालले सान्त्वना स्थान हासिल गरेकी थिइन् ।
रघुगंगा गाउँपालिका भित्रका विद्यालयहरुका विद्यार्थीको सहभागिता रहेको उक्त प्रतियोगितामा महिनावारीको वारेमा सचेतनाका साथै स्वच्छन्दताका सन्दर्भमा पनि विद्यार्थीले बिचार व्यक्त गरेका थिए ।
