‘अब म पनि खेल्छु’ भन्ने मुल नाराका साथ मोना अष्ट्रेलियाको आयोजनामा आगामी जुन ९ तारिकमा एक दिने पुरुष तथा महिला भलिबल र बास्केटबल टुर्नामेन्ट हुने भएको छ । अष्ट्रेलियामा रहेका म्याग्देलीको साझा संस्था एवम् सामाजिक तथा मानवीय सेवा र पर्यटन प्रर्बधनमा पहिचान बनाएको मोना अष्ट्रेलियाले औबर्न बास्केटबल सेन्टरमा टुर्नामेन्टहुने भएको हो ।
अध्ययनका लागि शैक्षिक परामर्शदाताको पहिचान बनाएको स्टूडेण्ट भाइब्सले अस्ट्रेलियाको ताइटल स्पोन्सरमा उक्त टुर्नामेन्ट हुन लागेको मोना अष्ट्रेलियाका बाबुराम पौडेलले बताए । मोनाले टुर्नामेन्टका बारेमा थप तयारी सहितको जानकारी दिने जनाइएको छ ।
यता स्टूडेण्ट भाइब्सका संस्थापक निर्देशक बद्री बरुवालले संस्थागत सामाजिक उत्तरदाहित्व अन्तरगत स्टुडेन्ट भाइब्सले पहिलो र दोस्रो दुबै संस्करमा सहयोग गरेको बताए ।
उनले आफ्नो संस्थाले रेखा मेमोरियल ट्रष्टमार्फत जिल्लामा शिक्षा, स्वास्थ्य, प्राकृतिक विपत्ती लगायत विभिन्न क्षेत्रमा सहकार्य समेत गरेको छ । अस्ट्रेलियामा स्टुडेन्ट भाइब्सले अष्ट्रेलियामा ‘अब म पनि बोल्छु’ नामक वक्तृत्वकला प्रतियोगिताको आयोजना गरेर समेत नेपाली विद्यार्थीमाझ लोकप्रियता कमाएको थियो ।
