म्याग्दीको बेनी नगरपालिका-३ भकिम्लीमा ट्याक्टर दुर्घटना हुँदा चालक सहित ५ जना घाईते भएका छन् । दाउरा लिएर आउँदै गरेका ग १ त ५९४२ को ट्याक्टर चिनाखेतको हाँडेखानीमा दुर्घटना भएको थियो । दुर्घटनामा चालक कृष्ण किसान, रोहित पुन, लाल बहादुर छन्त्याल, विजय किसान र पवन पुन घाईते भएको स्थानीय यूवा दिपक पुनले जानकारी दिए ।
ट्याक्टर सडकबाट करिब ५ सय मिटर तल खसेको थियो । घाईतेको टाउको, शरीरका विभिन्न भागमा चोट लागेको छ।घाइतेहरूको चारजनाको बेनी अस्पतालमा उपचार भइरहेको भने विजय किसानलाई थप उपचारका लागि बागलुङ अस्पतालमा रिफर गरिएको छ । घटनाको बिस्तृत विवरण आउन बाँकी रहेको छ । घटनास्थलमा ट्याक्टर दुर्घटना भएको देखेपछि स्थानीयले उद्धार गरी बेनी अस्पतालमा ल्याएका थिए।
