आफ्नो जन्मदिनमा महंगो खर्च गरेर मनाउने संस्कार छ। धर्तीमा पाइला टेकेको दिनलाई भोजभतेर गरेर फजुल खर्च गदैं उत्सवको रुपमा मनाउनेहरूको बीचमा म्याग्दीका एक यूवा ब्यवसायीले मानवीय सेवामा सक्रिय दुई संस्थालाई सहयोग गरी जन्मदिन मनाउनुभएको छ ।
म्याग्दी उद्योग वाणिज्य संघका अध्यक्ष सुविन श्रेष्ठले जन्मदिनको अवसरमा सडक मानबको उद्धार र पुर्नस्थापनामा सक्रिय मानवसेवा आश्रम बागलुङको निर्माणधिन भवनमा २५ हजार र अनाथ बालबालिका संरक्षण तथा आवास केन्द्र साहाराको घर भरतपुर चितवनलाई ५ हजार आर्थिक सहयोग गर्नुभएको हो ।
म्याग्दीका सफल यूवा ब्यवसायी श्रेष्ठले हरेक बर्ष जन्मदिन र चाडपर्वमा नेपाल बाल संगठन म्याग्दीद्धारा सञ्चालित बालगृहका बालबालिकालाई भोजन समेत गराउने गर्नुभएको छ ।
‘मानवीय सेवामा सक्रिय संस्थालाई सहयोग गरी जन्मदिन मनाएको छु, अगामी दिनमा पनि पवित्र कार्यमा जोडिनेछु’ अध्यक्ष श्रेष्ठले भन्नुभयो । केही दिन अगाडी बेनीमा मानवसेवा आश्रमको मानव उद्धार तथा ब्यवस्थापनमा खेलेको भूमिलाई नजिकबाट निहाल्ने अवसर पाएपछि मानवसेवा आश्रमको क्षेत्रमा सहयोगको अभियानलाई जिल्लामा समेत सञ्चालन गर्ने अध्यक्ष श्रेष्ठको भनाई छ ।
