राष्ट्रिय बाणिज्य बैंक बेनी शाखाले मंगला गाउँपालिका-२,लाम्पाटामा अवस्थित मंगला शिक्षा क्याम्पसमा एक दिने वित्तीय साक्षरता कार्यक्रम गरेको छ। विद्यार्थीलाई वित्तिय संस्थाको पहुँचमा पु¥याउने उदेश्यले बैंकको ५९ औं बार्षिकोत्सवको अवसरमा आयोजित कार्यक्रममा प्रबन्धक नवराज ढुंगाना र सहायक प्रबन्धक सुवास तिमिल्सिनाले प्रशिक्षण दिएका थिए ।
कार्यक्रममा वित्तीय कारोबार, दैनिक आम्दानी तथा खर्चको विश्लेषण गर्न, वित्तीय सेवा सम्बन्धी ज्ञान, लगायतका सम्रग बैंकिङ गतिविधिका साथै पछिल्लो समय डिजिटल कारोबार गर्नेहरू बढेसँगै ठगी धन्दा र अनलाइनमार्फत हुने वित्तीय अपराधबाट जोगिने उपाय,वित्तीय साक्षरताले दिने फाइदा लगायत वित्तिय क्षेत्रसँग सम्बन्धित विविध विषयमा जानकारी समेत गराइएको थियो । कार्यक्रमको उद्घाटन गदैं मंगला गाउँपालिकाका अध्यक्ष सतप्रसाद रोकाले वित्तिय पहुँचमा रहनेहरुले आर्थिक रुपमा अनुशासित हुनुपर्ने बताए ।
उनले बैंकमा खाता खोल्ने तरिका, बचतका फाइदाका बारेमा आफुँले जानकारी पाएपछि परिवारका सदस्य र समुदायस्तरमा समेत सन्देश प्रवाह गर्नुपर्नेमा जोड दिए । मंगला शिक्षा क्याम्पसका विद्यार्थी, सञ्चालक समितिका सदस्य, अभिभावक तथा डनिङ आवासीय माविका विद्यार्थी गरी करिब ५० जनाको उपस्थिती रहेको थियो । कार्यक्रममा सहभागीले वित्तीय चेतना अभिवृद्धि गर्न कार्यक्रमबाट धेरे सिक्ने अवसर पाएको बताएका थिए ।
मंगला शिक्षा क्याम्पस स्ववियु सभापति भिममायाँ रोका, मंगला प्राध्यापक संघका सभापति कलम भण्डारी लगायतको उपस्थिती रहेको थियो । क्याम्पसका संरक्षक एवम् मंगला गापा अध्यक्ष रोकाको प्रमुख आतिथ्यतामा भएको कार्यक्रममको कार्यक्रमको अध्यक्षता क्याम्पस सञ्चालक समितिका अध्यक्ष याम थापा, स्वागत तथा सञ्चालन क्याम्पस प्रमुख पितमबहादुर खत्रीले गरेका थिए ।
