गणेश पोवीसरा स्मृति कोषले आयोजना गरेको मंगला गाउँपालिका विद्यालयस्तरीय छात्र-छात्रा भलिबलमा मंगला मावि र दिपशिखा मावि विजय भएको छ ।
समाजसेवी स्वर्गीय गणेशबहादुर र पोविसरा रोकाको स्मृतिमा छोरा मुक्ति रोका र परिवारले दिपशिखा माविमा स्थापना गरेको कोषबाट आयोजित प्रतियोगितामा छात्रा तर्फ दीपशिखा मावि प्रथम, शिशुकल्याण मावि द्वितीय भएको छ भने छात्र भलिबल खेलमा मंगला मावि बाबियाचौर प्रथम र महेन्द्ररत्न मावि बरङ्जा द्वितीय भएको थियो ।
छात्रातर्फ ५ टिम र छात्रतर्फ ८ टिमको सहभागीता रहेको थियो ।बिजेतातर्फ छात्रामा क्रमश २० हजार, १५ हजार, छात्रतर्फ २५ हजार, १५ हजार नगद, मेडल, ट्रफी वितरण गरिएको दिपशिखा माविका प्रधानाध्यापक डा.नन्दबहादुर खत्रीले जानकारी दिनुभयो ।
विजेतालाई मंगला गाउँपालिका अध्यक्ष सतप्रसाद रोका, गणेश पोवीसरा स्मृति कोषका उपाध्यक्ष रुकबहादुरराम्जाली, भेषमायाँ राम्जाली, विब्यस अध्यक्ष रिप्रसाद पुन लगायतले पुरस्कार वितरण गर्नुभएको थियो । छात्रातर्फ ५ टिम र छात्रतर्फ ८ विद्यालयको सहभागिता रहेृको थियो । सोही अवसरमा कोषले गाउँपालिकाभित्र आधारभुत तह,सर्वोत्कृष्ट एसइई रउच्च माविका विद्यार्थीलाई नगदले सम्मान गरिएको छ ।
एसइ्रईमा गापा र दिपशिखा मावि प्रथम हुने जेनी रोकालाई १५ हजार, कक्षा ११ र १२ मा गाउँपालिका प्रथम अप्सरा पुन १० हजार, पालिकास्तरी कक्षा ८ का परीक्षा प्रथम हुने सायरी रोका ५ हजार, दलित समुदायतर्फ स्नेहा किसान ५ हजार नगदले सम्मान गरिएको थियो । सम्मान कार्यक्रममा बोल्दै गाउँपालिका अध्यक्ष सतप्रसाद रोकाले शैक्षिक र सामाजिक क्षेत्रमा स्वर्गीय रोका दम्पत्तीको योगदान अतुलनीय रहेको बताउनुभयो ।
उहाँले खेलकदु र शिक्षाको क्षेत्रमा प्राप्त सहयोगले सहज भएको बताउनुभयो । शिक्षा, स्वास्थ्य लगायत सामाजिक कार्यमा सक्रिय रहेको कोषका उपाध्यक्ष राम्जालीले भविस्यमा थप रचनात्मक कार्यहरु समेत गरिने बताउनुभयो । कुहुँ तुसारेपानी घरभई हाल अष्ट्रिलियामा बस्ने रोकाले स्वर्गीय बुबाआमाको स्मृतिमा स्थापना गरेको कोषमार्फत खेलुकद सहितका शैक्षिक गतिविधिलाई थप सहज बनाउन कोष बृद्धि गरी १० लाख पु¥याएर जिल्ला प्रशासन कार्यालयमा समेत दर्ता गरिएको छ ।
पोविसराले कहालीलाग्दो दुर्घटनामा ज्यान गुमाएपछि श्रीमान बि।स २०६३ सालमा तत्कालिन कुहूँ गाविसका सचिव गणेशबहादुर रोकाले दीपशिखा माविमा अध्ययन गर्ने बालबालिकाहरुलाई शैक्षिक पुरस्कार वितरण सुरु गर्नुभएको थियो । समाजसेवी रोकाको कोरोना संक्रमणको कारण निधन भएपछि कोषको नाम गणेशबहादुर र पोविसरा रोकाको स्मृति नामाकरण गरिएको थियो ।
यसैबीच दीपशिखा माविको ३०औं अभिभावक दिवस तथा ६२ औं वार्षिकोत्सब मनाएको छ । सोही अवसरमा मंगला गाउँ पालिका स्तरीय शिक्षक कर्मचारी मैत्री भलिबल खेलमा जम्मा १० टीम सहभागी भएकोमा शिशुकल्याण मावि, अर्मन प्रथम, विष्णु आधारभूत विद्यालय किमचौर द्वितीय , पुरुष अभिभावक मैत्री भलिबलमा ४ टीम सहभागी भएकोमा साविक कुहू गाविस वडा–३ प्रथम र वडा –४ द्वितीय, महिला अभिभावक मैत्री खेलमा पनि ४ टीम सहभागी भएकोमा माझथरका महिला अभिभावक प्रथम, दीपशिखा मावि महिला शिक्षक अभिभावक द्वितीय भएको थियो । 
मंगला गाउँपालिकामा रहेका विद्यालय, विद्यार्थी, शिक्षक बीच एकता गराई शैक्षिक उपलब्धि वृद्धि गर्ने भन्ने कार्यक्रमको मुख्य उद्देश्य रहेको विद्यालय ब्यवस्थापन समितिका अध्यक्ष रिप्रसाद पुन रबिनले बताए ।
