विश्व विख्यात सिसीटिभि उत्पादनक कम्पनी युएनभीले म्याग्दी जिल्लामा पहिलोपटक सिसीटिभि सम्बन्धित तालिम सञ्चालन गरेको छ । युएनभी र इगल टेक नेपालले विटेक आइटी सोलुसनको संयोजनमा बेनीमा सम्पन्न भएको एकदिने डिलरहरुलाई तालिम दिएको हो ।
सिसीटिभिको प्रयोग, जडान र मर्मतसम्भार लगायत प्राविधिक विषयमा तालिम सञ्चालन गरिएको थियो । तालिममा म्याग्दी, बागलुङ, पर्वतमा करिब ५० जना सहभागी भएका थिए ।
युएनभीको नेसनल डिस्ट्रिब्युटर इगल टेक नेपालका युएनभीका चिफ इन्जिनियर नारायण गैरेले सहजीकरण गरेका थिए ।युएनभीले उत्पादन गरेका सिसीटिभि गुणस्तरीय भएकाले ग्राहकको अत्याधिक मागलाई मध्यनजर गरी बेनीमा धौलागिरीस्तरीय तालिम सञ्चालन गरिएको विटेक आइटी सोलुसनका प्रोपाइटर खगेन्द्र खत्रीले बताए ।
उनले सिसिटिभीको दिगोपन र मर्मत र प्रयोगमा सहज हुने गरी तालिम सञ्चालन गरिएको बताए । उनले प्रयोगकर्तालाई समेत सिसीटिभी सम्बन्धि तालिम दिने गरिएको बताए ।
विटेक आइटी सोलुसनको युनएभीको धौलागिरीको चार जिल्लाको आधिकारिक डिलर हो ।कम्पनीका प्रमुख अनिल दाहालले कम्पनीका भावी रणनीतिबारे जानकारी गराए ।
इगल टेकका सञ्चालक बालकृष्ण उप्रेती, इगल टेकका प्रबन्ध निर्देशक मोहन ढुंगानाले ग्राहकले युएनभीका उत्पादन किन्दा पाउने सुविधा र स्किमबारे जानकारी दिए। १० हजारभन्दा माथिको खरिदमा स्क्याच कुपन र लक्की ड्रमार्फत् मोटरसाइलक जित्नेदेखि विदेश भ्रमणसम्मका अफर रहेको म्याग्दीका खगेन्द्र खत्रीले बताए ।
म्याग्दीको सदरमुकाम बेनीबजारमा युएनभीको सिसिक्यमेरा जडान गरी ट्राफिक व्यवस्थापनदेखि सुरक्षा व्यवस्थासम्म सघाइरहेको छ ।
