म्याग्दीको मालिका गाउँपालिका वडा नं ६ दुखुबेसीका धान रोपाईका लागि जोग्दै गरेका किसान । असार महिनाको सुरुवातसँगै सिचाईको सुविधा भएका क्षेत्रमा रोपाईको तयारी सुरु भएको छ । खोलानदी, खोल्साहरु बाहेक जिल्लाको अधिकाँश कृषकहरु सिचाई सुविधाको अभाबको कारण खेत रोपाइँको लागि बर्षामै भर पर्नुपर्ने बाध्यता रहेको छ । मुल फुट्ने गरि बर्षा नभएसम्म सबैतिर रोपाई सुरु हुदैन । म्याग्दीमा धान उत्पादन हुने ३ हजार ८ सय ९० हेक्टर क्षेत्रफल रहेको छ । म्याग्दीमा गौरी, जेठो बुडो, जर्नेली, पहेंले, मार्सी, ताकमारे, भट्टे र छमरुङ, माछापुच्छ्रे, अन्नपूर्ण ३, खुमल ४, खुमल १०, लुम्ले २ लगायतका उन्नत जातको धानखेती हुने गर्छ । लेकाली क्षेत्रका कृषकले भिरालो जमिनमा गर्न सकिने र सिँचाइ आवश्यक नपर्ने घैया जातको धानखेतीसमेत हुन्छ ।
