माध्यमिक शिक्षा परीक्षा (एसइई) दिएर बसेका विद्यार्थीलाई विद्यार्थीलाई लक्षित भलिबल प्रशिक्षण समापन भएको छ । जिल्ला भलिबल संघ म्याग्दी म्याग्दीको आयोजनामा सञ्चालित एक महिने तालिम समापन भएको छ ।
परीक्षापछि फर्सदको समयमा खेलकुद गतिविधिमा आर्कषित गर्ने उदेश्यले जिल्ला भलिबल संघ म्याग्दीको आयोजना, गण्डकी प्रदेश खेलकुद परिषद्को आर्थिक तथा जिल्ला खेलकुद विकास समितिको समन्वयमा गत चैत्र २४ गतेदेखि बैशाख २८ गतेसम्म सञ्चालित प्रशिक्षणको आज सम्पन्न गरिएको हो ।
प्रशिक्षणको समापन कार्यक्रममा प्रदेश खेलकुद परिषद्का सदस्य सचिव श्रीधर शर्माले म्याग्दी जिल्लाले भलिबलमा छोटो समयमै प्रगति गरेको बताउनुभयो ।
उहाँले म्याग्दी जिल्लाले राष्ट्रि महिला भलिबलको कप्तान पाएको बताउँदै महिला र पुरुष भलिबलमा म्याग्दीले फरक पहिचान गराएको बताउनुभयो। भलिबल प्रशिक्षणमा सहभागि विद्यार्थीलाई प्रमुख अतिथि शर्माले पढाईसँगै खेलकुदलाई समेत निरन्रता दिन अनुरोध गर्नुभयो ।
समापन कार्यक्रममा जिल्ला भलिबल संघका संस्थापक अध्यक्ष रमेशकुमार श्रेष्ठ, जिल्ला खेलकुद विकास समितिका सचिव कुमार किसान, सदस्य नगेन्द्र मल्ल, सम्मानित भएका भलिबल खेलाडी सम्राट भण्डारी, ज्ञान कटुवाल लगायतको उपस्थिती रहेको थियो ।भलिबल प्रशिक्षण माउण्ट एभरेष्ट आवासीय माविमा सञ्चालन गरिएको थियो ।
तालिममा भलिवल खेलका आधारभूत ज्ञान, सीप, उपलब्ध गराई अनुशासित रुपमा खेलकूदमा सहभागी गराउने भलिबल संघ म्याग्दीका अध्यक्ष तेजेन्द्र बानियाँले बताउनुभयो ।
तालिममा प्रदेश खेलकुद परिषद्को १५ दिने र जिल्ला भलिबल संघले १५ दिन सञ्चालन गरेको थियो । समापन कार्यक्रमको अध्यक्षता संघका अध्यक्ष बानियाँ र सञ्चालन सचिव कुमार किसानले गर्नुभएको थियो । जिल्ला भलिबल संघले नियमित खेल अभ्यासका लागि कबड हल समेत बनाउने तयारीमा जुटेको छ ।
