यूवाको नेतृत्व तथा ब्यक्तित्व विकासमा सक्रिय म्याग्दी जेसीजले २७ औं स्थापना दिवसको अवसरमा साताब्यापाी जेसीज सप्ताह मनाउने मनाउने भएको छ । सोमबार जेसीज सचिवालयमा सम्पन्न भएको चोथो बोर्ड बैठकबाट आगामी जेठ ९ देखि १५ गतेसम्म स्थापना दिवस मनाउने निर्णय गरेको हो ।
सप्ताहको उद्घाटनको पहिलो दिन अन्तर विद्यालय निबन्ध प्रतियोगिता, जेठ १० गते जेसीज र पत्रकार बिच मैत्रीपूर्ण फुटसल प्रतियोगिता, जेठ ११ गते तातोपानी आमा समुह र यूवा क्लवलाई उद्धघोषण तालिम, जेठ १२ गते मेरो विद्यालय कार्यक्रम, जेठ १३ जेसीज परिवार बिच हाजिरीजवाफ प्रतियोगिता, जेठ १४ रक्तदान कार्यक्रम, जेठ १५ गते २१ औं लोक नृत्य प्रतियोगिता गरी समापन गरिने शाखा अध्यक्ष बिनोद घर्ती क्षत्रीले जानकारी दिनुभयो ।
जेसीज सप्ताहमा वरिष्ठ कार्यकारिणि उपाध्यक्ष सञ्जन श्रेष्ठको मुल संयोजकत्वमा कार्यक्रम तय गरिएको छ । म्याग्दी जेसीजले सदस्यको ब्यक्तिगत तथा संस्थागत विकास बाहेक समुदायस्तरमा विभिन्न रचनात्मक कार्यहरु गरी मनाउने गरेको छ ।
