संयुक्त अरब इमिरेट्स (यूएई)मा तीन महिना अगाडी मृत्यु भएका एक म्याग्देलीको आफन्त पहिचानमा हुन सकेको छैन । गत अप्रिल ६ तारिकमा मृत्यु भएका बेनी नगरपालिका वडा नं ६ हेमबहादुर सार्कीको आफन्तको पहिचान नहुदाँ नेपाल पठाउन समस्या भएको मोना यूएईका अध्यक्ष सुवास राम्जालीले बताउनुभयो । ‘मृत्युको कारण पहिचान हुन सकेको छैन, नेपाली दुताबासबाट खवर आएपछि मात्रै हामीलाई जानकारी भयो’ अध्यक्ष राम्जालीले बेनीअनलाइलाई भन्नुभयो ।
रोजगारीको शिलशिलामा कहिले युएई पुगेको, कुन अस्पतालमा छ भन्ने जानकारी दुतावासलाई रहेको छ ।
मृतककको पासर्पोटमासम्पर्क ब्यक्तिको नाम निरमीत सार्की रहेको मोना यूएईका सल्लाहकार राम गिरीले बताउनुभयो । मृतकको आफन्तको पहिचान तथा नेपालबाट आवश्यक कागजात नपुगेसम्म शब ल्याउन कठिनाई हुने भएकाले आवश्यक पहल गरिदिन मोना युएईका महासचिव काजीमान बुढाथोकीको भनाई छ । नेपाली दुतावासले म्याग्दी सहित नुवाकोटको रोमबहादुर कामीको समेत नेपालीमा रहेका आफन्तको खोजी गरिरहेको छ ।
यसैबीच बेनपा ६ का वडा अध्यक्ष कृष्णसिङ बानियाँले मृतकको आफन्तको खोजीकार्य भइरहेको बताउनुभयो । वडा अध्यक्ष बानियाँले आफन्तको पहिचान भएपछि शब नेपाल ल्याउन कानुनी प्रक्रिया सहित अन्तेष्टीमा आवश्यक सहयोग गर्ने बताउनुभयो ।
