म्याग्दीमा लेखामा आवद्ध कर्मचारी संगठित भएका छन् । जिल्लामा रहेका संघीय, प्रदेश र स्थानीय तहको लेखा शाखामा कार्यरत कर्मचारीले ओमबहादुर रेश्मीको अध्यक्षतामा लेखा समूह म्याग्दी गठन गरेका छन् । समितिको संरक्षकमा कोष तथा लेखा नियन्त्रकको कार्यालय म्याग्दीका प्रमुख किरणचन्द्र सुबेदी,उपाध्यक्षमा गोकुल शर्मा, सचिव सुमन सुबेदी, सहसचिव बसन्त पौडेल, कोषाध्यक्ष सुरेन्द्र श्रेष्ठ रहनुभएको छ ।
कार्यसमितिको सदस्यहरूमा अस्मिता थापा, बिजय बहादुर कुँवर, गणेश पौडेल र सुदिप पोख्रेल रहनुभएको सचिव सुबेदीले जानकारी दिनुभयो । लेखा समूह गठनसँगै वित्तीय अनुशासन कायम गर्ने, पेशागत सुरक्षा,वृत्ति विकास सहित संस्थागत गतिविधिका साथै कर्मचारी स्वाग तथा विदाई लगायत विभिन्न कार्यक्रमहरु गर्ने अध्यक्ष रेश्मीले बताउनुभयो। यसैबीच बुधबार विधिवतरुपमा लेखा समूह जिल्ला प्रशासन कार्यालय मा दर्ता भएको छ । प्रमुख जिल्ला अधिकारी गुरुप्रसाद ढकालले समूहका पदाधिकारीलाई प्रमाणपत्र हस्तान्तरण गर्नुभएको छ ।
