म्याग्दीको अन्नपूर्ण गाउँपालिका वडा नं ४ नारच्याङमा पर्ने फ्रान्सेली नागरिक मौरिस हर्जोग नेतृत्वले ७५ वर्षअघि पहिलोपटक ८०९१ मिटर अग्लो अन्नपूर्ण प्रथम हिमाल जाने पदमार्गदेखि पञ्चकुण्ठ ताल, अन्नपुर्ण सहित आसपासको आर्कषक दृष्यहरू ।
म्याग्दीको प्रमुख पर्यटकीयस्थलको रुपमा स्थापित हुदैं गएको प्रथम अन्नपुर्ण हिमालको आधार क्षेत्रको प्रचारप्रसारसँगै अहिले आन्तरिक तथा बाह्य पर्यटकको घुईचो लागेको छ । अन्नपूर्ण प्रथमको नर्थसाइडलाई विश्वव्यापीकरणसँगै त्यस क्षेत्रमा धमाधम पुर्वाधार समेत थपिदै छ ।
हुमखोलाबाट सम्धीखर्क, गुफाफाँट, भुस्केटमेला हुँदै आधारशिविरि पुगिन्छ। हुमखोलाबाट एकैदिनमा आधारशिविर पदयात्रामा जाने पदयात्रीले सबैभन्दा बढी सौन्दर्य र रोमाञ्चक अनूभुति हुन्छ ।
अन्नपूर्ण प्रथम आरोहण गरेको सम्झनामा म्याग्दीको अन्नपूर्ण गाउँपालिकाले नारच्याङ हुँदै अन्नपूर्ण आधारशिविर पुग्ने पदमार्गलाई ‘मौरिस हर्जोग ट्रेल’ नामाकरण समेत गरेको छ।विश्वका ८ हजार मिटरभन्दा अग्ला १४ हिमालमध्ये दशौं स्थान (८०९१ मिटर) मा पर्ने अन्नपूर्ण प्रथममा पहिलो पटक मानव पाइला परेसँगै नेपालमा पर्वतीय पर्यटनको व्यवसायिक सुरुवात भएको मानिन्छ। अन्नपूर्ण प्रथम आरोहण गरेको ७५ औं वार्षिकोत्सवका अवसरमा म्याग्दीमा विशेष कार्यक्रम समेत गरिएको छ । तस्वीरहरू सौजन्य राकेश थापामगर
