जापानमा शरीरमा रगत उत्पादन नहुने रोग (बोनम्यारो एनिमिया) बाट पीडित एक म्याग्देलीको थप उपचार भारतमा भइरहेको छ । म्याग्दीको मालिका गाउँपालिका–४, घर भएका २३ बर्षिय चोकबहादुर बुढाथोकी रगत सम्बन्धी समस्याबाट पीडित भएपछि जापानमा खर्चिलो उपचारका लागि आर्थिक अभाव भएसँगै भारतको नयाँ दिल्लीस्थित राजीव गान्धी क्यान्सर इन्स्टिच्युट एण्ड रिसर्च सेन्टरमा भर्ना गरी उपचार भइरहेको छ ।
जापानस्थित फुकुओका इन्टरनेशनल अनिमेसन कलेजमा अध्ययनरत बुढाथोकीलाई अचानक शरीरमा रगत उत्पादन नहुने समस्याबाट देखिएपछि मोना जापान सहित नेपालीहरुको आर्थिक सहयोगमा फुकुओकास्थित हारा सानसिन हस्पिटलमा उपचार गरिएको थियो । उक्त अस्पतालमा उपचार महँगो भएसँगै बुढाथोकीलाई भारत ल्याइएको आफन्तको भनाई छ ।
हाल उपचारको क्रममा एलर्जि र ज्वरोले समस्या भएको आफन्तको भनाई छ ।
जापानबाट भारतमा ल्याएको समेत करिब २ महिना वितिसक्न लागेको छ । बुढाथोकीको उपचारका लागि १५ लाख भारु जम्मा गरेपछि उपचार प्रक्रिया अगाडी बढेपनि थप उपचारका लागि आर्थिक समस्या भएकाले सहयोग गर्न आफन्त एवम् मोना यूएईका महासचिव काजिमान बुढाथोकीले बताउनुभयो ।
हालसम्म आफन्त र सहयोग जुटाएर उपचार भइरहेको भएपनि थप आर्थिकको आवश्यकता रहेकाले उपचारमा सघाउन अनुरोध गरिएको छ । बोनम्यारो ट्रान्सप्लान्ट गर्ने पर्ने भएकाले उक्त उपचारका लागि ३० देखि ४० लाख नेपाली रुपैयाँ लाग्न सक्ने अनुमान गरिएकाले बुढाथोकीको जीवन रक्षाका लागि मोना जापानले समेत अपिल गरेको छ ।
नेपालमा सहयोगको लागी
दिदि
निर्मला बुढाथोकी
प्रभु बैंक
-०७६०२८०२०३८०००११
