म्याग्दी प्रवासी नेपाली संघ मोना जापानले कलाकार भेटघाट तथा सम्मान कार्यक्रम गर्ने भएको छ । सांगीतिक यात्राका लागि जापानमा रहनुभएका म्याग्देली गायक राम गगन, गायिका सोना केसी र रामशरण रसाईलीको स्वागत तथा सम्मानमा लाइभ दोहोरीको आयोजना गरिएको हो । मोना जापानले जुन १५ तारिक साँझ ६ बजे बारकाँडे रेष्टुरेन्ट शिनओकुबोमा कार्यक्रम राखिएको मोना जापानले जनाएको छ ।
उक्त कार्यक्रममा १५ बर्षदेखि सांगीतिक क्षेत्रमा सक्रिय लोकदोहोरी गायक समेत रहनुभएका राम गगनलाई सम्मान समेत गरिने छ । म्याग्देली कलाकार संघ काठमाण्डौका सचिव समेत रहनुभएका गायक राम गगनले जापानमा रहेका नेपालीको न्यायो स्वागत र सम्मानबाट उत्साहित भएको बताउनुभयो । मोना जापनका अध्यक्ष बिशाल केसीले सांगीतिक क्षेत्रबाट नेपाली कला र संस्कृतिको संरक्षण गर्ने कलाकारलाइ सम्मान सहित म्याग्देलीको जमघट हुने बताउनुभयो ।
