म्याग्दीको मंगला गाउँपालिका–२,सिममा पहिलोपटक गरिएको सूर्यमुखीको खेती सफल भएको छ। स्थानीय धुब्र केसीले तेलहन बालीअन्तर्गत पर्ने सूर्यमुखीको बिउ लिएर २ रोपनीमा क्षेत्रफलमा गरेको खेतीले उत्पादन दिएपछि उत्साहित हुनुुहुन्छ। बेनी–बावियाचौर सडकखण्ड नजिक गरिएको सूर्यमुखी खेतीलाई आगामी बर्ष ५ रोपानीमा विस्तार गर्ने कृषक खत्रीले बताउनुभयो । ‘खेती गरेको पहिलोपटक नै सफल भए अब यसलाई विस्तार गर्छु’ कृषक केसीले भन्नुभयो ।
पछिल्लो समय सूर्यमुखीको फूल फुल्न थालेसँगै टिकटक बनाउने, फोटो खिच्ने र घुम्न आउने थालेपछि कृषक केसी उत्साहित हुनुहुन्छ ।सूर्यमुखी खेती गर्दा धेरै लगानी गर्न नपर्ने भएपछि कृषक खुुसी छन् । सूर्यमुखी फूलको खेती प्रमुख नगदे बालीका रूपमा विकास गर्न सक्ने प्रशस्त सम्भावना रहेको कृषक केसीको भनाई छ ।
मंगला गाउँपालिकामा पहिलोपटक सूर्यमुखीको खेती गरिएकाले परीक्षण उत्पादन अनुसार आगामी दिनमा अनुदान सहित प्रोत्साहनका कार्यहरू गरिने गाउँपालिका अध्यक्ष सतप्रसाद रोकाले बताउनुभयो । सूर्यमुखीले कोलेस्ट्रोलको मात्रा घटाउने तथा भिटामिन, प्रोटिन, खनिज पाइने भएकाले म्याग्दीको बेनी नगरपालिका वडा नं १ रत्नेचौरमा नियमित खेती गर्ने गरिन्छ।
