पोखरा स्पोर्टस् अवार्डमा वर्ष खेलाडीको उपाधि महिलातर्फ अरुणा शाही तिनपटक उत्कृष्ट खेलाडी घोषित हुनुभएको छ । नेपाली राष्ट्रिय महिला भलिबल टोलीकी कप्तान शाहीले बि.स २०७३ सालमा पहिलो उत्कृष्ट अवार्ड जित्नुभएकोमा बि.स ०७८ मा दोस्रो र यसपटक सम्पन्न नवौं पोखरा स्पोर्टस् अवार्डमा समेत अवार्ड जित्दै ह्याटिक गर्नुभएको हो ।
खेलाडी तथा खेल क्षेत्रमा क्रियाशीललाई उर्जा थप्न २०७२ सालदेखि नेपाल खेलकुद पत्रकार मञ्च गण्डकीले शुक्रबार पोखरा इभेन्ट सेन्टरमा आयोजना गरेको समारोहमा मनोनयनमा परेका उत्कृष्ट ३ मध्ये वर्ष खेलाडी महिलातर्फ भलिबलकी अरुणा शाही वर्ष खेलाडी घोषित हुनुभएको थियो ।
वर्ष खेलाडीस्वरुप टेलजी इलेक्ट्रिक स्कुटर साथमा अवार्ड प्रदान प्राप्त गर्नुभयो । म्याग्दीको रघुगंगा गाउँपालिका वडा नं ३ पिप्ले निवासी शाहीको कप्तानीमा भारतसँगको मैत्रिपूर्ण, साउथ एशियन आमन्त्रण भलिबल च्याम्पियनसिप, एभीसी सेन्ट्रल जोन, १२ र १३ औं दक्षिण एशियाली खेलकुद (साग) खेल्दै अन्तर्राष्ट्रिय भलिबल खेल्न थालेको ३७ वर्षको इतिहासमा अरुणाको कप्तानीमा नेपाली महिला टोलीले भारतमाथि निकालेको थियो ।
२०८१ सालमै नेपालमै पहिलो पटक भएको महिला भलिबल लिगमा चितवन शक्तिको मार्की खेलाडीमा छनौट हुनुभएकी अरुणको कप्तानी नेपाली महिला भलिबलका लागि स्वर्णिम मानिन्छ ।
अरुणाले कप्तानी सम्हाल्नु अगाडी कमजोर रहेको नेपाली महिला भलिबलले अन्तराष्ट्रिय उपाधी सहित भलिबल खेलमा चमत्कारी नतिजा निकाल्न सफल भएको छ ।
सेन्ट्रल एसियन जोन काभा महिला भलिबल लिग सहित विभिन्न खेलहरुमा नेपालको उपस्थितीलाई बलियो दाबेदार सहित उपाधी समेत दिलाउन सफल अरुणालाई नेपाली महिला भलिबलमा सर्वाधिक सफल कप्तानको रुपमा हेरिन्छ । अहिले महिला भलिबलमा नेपाल दक्षिण एशियाली राष्ट्रमा बलियो पोजिसनमा छ भने सार्क राष्ट्रमा भारतलाई समेत टक्कर दिन्छ ।
अरुणाले कप्तानी सम्हालेपछि नेपाली महिला टोली लयमा रहेको छ जसका कारण अरुणालाई विभिन्न प्रतिस्पर्धाका विधामा समेत भलिबल प्रेमीले अवार्ड जिताउने गरेका छन् ।
रघुगंगा–२, भगवतीमा अवििस्थत मुक्तिधाम माविबाट आफ्नो खेल जीवनको गर्नुभएकी अरुणाले सन् २०१४ मा नेपालमा आयोजना भएको माल्दिभ्ससँगको अन्तर्राष्ट्रिय मैत्रीपूर्ण खेलबाट राष्ट्रिय टोलीमा डेब्यु गर्ने मौका मिलेको थियो । कप्तान शाही गण्डकी विश्वविद्यालयमा स्नातक तह खेलकुद व्यवस्थापन (विएसएम)मा पहिलो व्याचका छात्रासमेत हुनुहुन्छ ।
