यस वर्षको माध्यमिक शिक्षा परीक्षा (एसईई) आजदेखि शुरू भएको छ । म्याग्दी जिल्लामा २२ सय १४ जना विद्यार्र्र्थी सहभागी हुने गरी ९ परीक्षा केन्द्र निर्धारण गरिएको छ । बिहान ८ बजेदेखि देशभरका दुई हजार ७९ परीक्षा केन्द्रबाट एकैसाथ परीक्षा शुरू भएको शिक्षा विकास तथा समन्वय इकाई म्याग्दीले जनाएको छ ।
जिल्लाभरी रहेका परीक्ष केन्द्रमा ढुक्क र निर्धक्क भएर परीक्षामा सहभागी हुन जिल्ला समन्वय समितिकी निमित्त प्रमुख दिलकुमारी खत्रीले विद्यार्थीहरुलाई आग्रह गर्नुभएको छ । परीक्षार्थीलाई भयरहित वातावरणमा परीक्षा सञ्चालन भइरहेको छ । अनुगमन टोलीमा जिसस, स्थानीय तहका जनप्रतिनिधि सहित जिल्लास्तरीय परीक्षा समितिमा रहेकाहरु केन्द्रमा पुगेका छन्।
म्याग्दीमा नियमित साधारण तर्फ १६ सय ८९ जना र नियमित प्राविधिक तर्फ ७३ जना, नयाँ पाठ्यक्रका ग्रेडबृद्धितर्फ ४३१ जना, ग्रेडवृद्धि प्राविधिक तर्फ १७ जना र पुरानो ग्रेडवृद्धि २०७८÷०७९ र ०८० तर्फ ४ जना विद्यार्थी परीक्षामा सहभागी हुन लागेको शिक्षा विकास तथा समन्वय इकाई म्याग्दीका प्रमुख विदुर शर्मा चापागाईंले बताउनुभयो।
यस वर्ष बेनी नगरपालिका–८, कालिपुलमा रहेको बालमन्दिर माविबाट पहिलोपटक १० जना विद्यार्थी परीक्षामा सहभागी हुदैछन् । प्रकाश माविको खुल्लातर्फबाट रेगुलर, ग्रेड वृद्दि १२ जना, ज्ञानोदय माविको स्रोत कक्षाबाट न्युन दृष्टिविहिन ३ जना, उज्यालो बैकल्पिक विद्यालयबाट ५ जना, जडभरत संस्कृत माध्यमिक विद्यालयमा नियमित ५ जना परीक्षार्थी सहभागि हुदैछन्।
