मुस्ताङको वारागुँ मुक्तिक्षेत्र गाउँपालिका–४कागबेनीबाट मंगलबार दिउँसो १ बजे हराएका म्याग्दीको मंगला गाउँपालिका वडा नं ५ टिकावाङका १३ बर्षिय सन्तोष बुढामगरबुधबार विहान मुस्ताङकै मार्फामा भेटिएका छन् । मुस्ताङको घरपझोङ गाउँपालिका–२ मार्फामा विहान पौने ९ बजे भेटिएको जिल्ला प्रहरी कार्यालय मुस्ताङका प्रहरी निरीक्षक बिशाल अधिकारीले जानकारी दिनुभयो ।
छैरोबाट मार्फा तर्फ आउँदै गरेको अवस्थामा बालकलाई भेटाएर परिवारको जिम्मा लगाइएको छ । कागबेनीको जनशान्ति माविमा कक्षा ६ मा अध्ययनरत बुढामगर घरतर्फ जान लागेको बताएका थिए । उनका बुबा रामबहादुर बुढा मगरले छोरा हराएको भन्दै बेनीअनलाइनलाई जानकारी दिएपछि खोजीकार्य सुरु भएको थियो ।
