म्याग्दीको सदरमुकाम बेनीमा रहेको लिटल गार्डेन एकेडेमीका विद्यार्थीले खाजा खर्च कटाएर न्युन दृष्टिविहिन विद्यार्थीलाई २० हजार बराबरको शैक्षिक साम्रागी सहयोग गरेका छन् ।
विद्यालयमा रहेको जुनियर रेडक्रस सर्कल, इको क्लव सहित सामाजिक उत्तरदाहित्व बोध गर्ने गरी स्थापित सञ्जालमा आवद्ध सदस्यहरुले रघुगंगा गाउँपालिका वडा नं ३ मौवाफाँटमा रहेको ज्ञानोदय माविका स्रोत कक्षामा अध्ययनरत न्युन दृष्टि भएका १० बालबालिकालाई शैक्षिक साम्रागी हस्तान्तरण गरेका थिए ।
विद्यालयका प्रिन्सिपल दिपक सुबेदीका अनुसार शैक्षिक गतिविधि बाहेक समुदायस्तरमा हुने विभिन्न कार्यक्रमहरुमा समेत सहभागिता जनाउने गरी स्थापित क्लवहरुमार्फत सचेतनामुलक अभियान बाहेक समस्यामा परेका साथीहरु र अभिभावकलाई समेत सहयोग गर्ने गरेको छन् । ज्ञानोदय माविमा आर्थिक रुपमा विपन्न न्युन दृष्टि भएका विद्यार्थीलाई विभिन्न माध्यमबाट सहयोग गर्ने गरिएको प्रअ बिजय शर्माले बताउनुभयो ।
