गरिमा विकास बैंक दरबाङ शाखाले बिमस्थित किसानी माविमा वित्तीय साक्षरता कार्यक्रम सञ्चालन गरेको छ । मालिका गाउँपालिका–७, बिममा रहेको विद्यालयका ब्यवस्थापन समिति, शिक्षक, विद्यार्थी र अभिभावकलाई वित्तीय शिक्षा उपलब्ध गराउने उद्देश्यले कार्यक्रम गरिएको हो ।
वित्तिय साक्षरता कार्यक्रममा बैंकका रिजनल म्यानेजर कमलप्रसाद ढुंगानाले खाता खोल्ने तरिका, बचतका फाइदा, वित्तीय सेवासुविधा, डिजिटल सेवा लगायत विभिन्न विषयमा जानकारी गराउनुभएको थियो।
पश्चिम म्याग्दीका बस्तीहरुमा पुगेर सेवा दिइरहेको बैंकले विद्यार्थीलाई बचतको महत्वका बारेमा जानकारी गराउँदै आएको बैंकमार्फत हुने सेवा र सम्रग वित्तिय अवस्थाका बारेमा सहभागीलाई जानकारी गराएको रिजनल म्यानेजर ढुंगानाको भनाई छ ।
कार्यक्रममा १ सयभन्दा बढीको सहभागिता रहेको थियो । सोही अवसरमा विद्यालयलाई वित्तिय उत्तरदाहित्व अन्तरगत शुद्ध पिउने पानीका लागि ’वाटर डिस्पेन्सर’ वितरण गरिएको थियो । गरिमाको म्याग्दीमा बेनीबजार, बावियाचौर, दरबाङ, पोखरेबगर गरी चार शाखा रहेको छ ।
