म्याग्दी प्रवासी नेपाली संघ (मोना) जापान क्षेत्रिय कार्यसमिति सिजुओकाको “सातौ सामुराइ मोना सिजोउका कप”को उपाधी मक्युरी एफसी टोकियोले जितेको छ । अंग्रेजी नयाँ वर्ष २०२५ को उपलक्ष्यमा आयोजित प्रतियोगितामा आयोजक मोना उपविजेता भएको छ ।
आइतबार सम्पन्न भएको फुटसलका बिजेता र उपविजेतालाई क्रमश ५लाख १ हजार एन र २ लाख १ हजार एनका साथै ट्रफी, मेडलले मोना जापानका अध्यक्ष बिशाल केसी, मोना जापान क्षेत्रीय समिति सिजुओकाका संयोजक तुल चोचाङ्गी लगायतले वितरण गर्नुभएको थियो । मोना फुटसलको माध्यमबाट उजागर गर्ने उद्देश्यले उक्त कार्यक्रमको आयोजना गरिएकोमा सफल भएको मोना जापानका अध्यक्ष केसीको भनाई छ ।
मोना जापनको क्षेत्रीय समितिहरु निकै सक्रिय र विभिन्न कार्यहरु गरेकोमा बताउँदै अध्यक्ष केसीले आफ्नो कार्यकालमा थप रचनात्मक कार्यहरुमा सहयोग गर्ने बताउनुभयो । नयाँ वर्षको शुभकामना आदानप्रदान सहित मोना फुटसल प्रतियोगिता मार्फत जापानमा रहेका फुटबलप्रेमी खेलाडीहरुलाई मनोरञ्जन दिलाउनुका साथै नेपालीहरुबीच पारिस्परिक भाइचाराको बिकास गरेको संयोजक चोचाङ्गीको भनाई छ । उक्त प्रतियोगितामा आर्थिक, भौतिक तथा नैतिक सहयोग गर्नेलाई धन्यवाद समेत दिइएको छ ।
