युरोपेली मुलुक माल्टामा रहेका मगर समुदायको साझा संस्था मगर समाज माल्टाको दोस्रो अधिवेशन माल्टाबाट सन्तु थापा मगरको अध्यक्षतामा १५ सदस्यीय नयाँ कार्यसमितिको निर्वाचित हुनुभएको छ । मगर समाज माल्टाको नव निर्वाचित उपाध्यक्षमा बेनी नगरपालिका–३, भकिम्लीका तारा थापा मगर, महिला उपाध्यक्ष मंगला गाउँपालिका-२ हिदीकी रन्जु पुन मगर र महासचिवमा बेनीनगरपालिका–१० वाखेतका भरत पाईजा मगर निर्वाचित हुनुभएको छ ।
मगर समाज माल्टाको महासचिव पदमा निर्वाचित पाईजा मोना कतारको पूर्व सक्रिय कार्यकारी सदस्य समेत हुनुहुन्छ । माल्टामा रहेका मगर समुदायलाई एकजुट भएर संस्थामा आवद्ध हुने गरी थप नयाँ कार्यक्रमहरु समेत सञ्चालन गरिने महासचिव पाइजा मगरले बताउनुभयो । पछिल्लो समय माल्टामा नेपालीहरुको संख्या बढ्दै जान थालेपछि विभिन्न नेपाली संघसंस्था समेत खुल्न थालेका छन् ।
