सुनसरीको गढी गाउँपालिका–६ को वडाध्यक्षमा नागरिक उन्मुक्ति पार्टीका तेजनारायण मुसहरले एक मत प्राप्त गरेका छन्। स्वतन्त्र उम्मेदवार श्यामदेव महत्तोले तीन र राम नारायण यादवले दुई मत प्राप्त गरेका छन्। वडाध्यक्षमा नेपाली कांग्रेसका तेतर साहु विजयी भएका छन्। उनी ८१६ मत ल्याएर विजयी भएका हुन्।
निकतम प्रतिद्वन्दी माओवादी केन्द्रका कुशेश्वर खेरवारले ७९४ मत ल्याए भने एमाले उम्मेदवार सन्तु उरावले ७७० मत ल्याएका छन्। राष्ट्रिय प्रजातन्त्र पार्टीकी कविता उरावले ८७, राष्ट्रिय स्वतन्त्र पार्टीका शशीकुमार साहुल ३३, जनता पार्टीका सीताराम यादवले ३० मत पाएका छन्।
गढी–६ मा कुल तीन हजार ६२२ मतदाता रहेकोमा दुई हजार ६४५ मत खसेको थियो। २०७९ सालको स्थानीय तहको निर्वाचनमा यस वडाबाट एमालेका षडानन्द उराव ७१२ मत ल्याएर विजयी भएका थिए। उनको निधनपछि निर्वाचन भएको हो।
