म्याग्दीको रघुगंगा गाउँपालिका-३ फुलवारीका मिर्गौला पिडित चन्द्रबहादुर भण्डारी (एकेन्द्र)को उपचारमा अष्ट्रेलियामा रहेका राखुबासीले सहयोग गरेका छन् ।
दुबै मिर्गौला फेल भएर गण्डकी क्षेत्रीय अस्पतालमा उपचार गराइरहनुभएका ४२ बर्षिय भण्डारीको उपचारमा अष्ट्रेलियामा रहेका राखुबासीहरुको साझा संस्था राखु समाज अष्ट्रेलियाको नेतृत्वमा संकलन भएको रु १ लाख ६० हजार सहयोग गरिएको राखु समाज अष्ट्रेलियाका अध्यक्ष शिब रकालले जानकारी दिनुभयो ।
मिर्गौला संगै आन्द्रामा समेत समस्या देखिएको र उपचारमा ठूलो खर्च लाग्ने भएकाले आफ्नो क्षमताले उपचार गराउन समस्या भएपछि घरपरिवारले सहयोग गर्न आग्रह गरेपछि रघुगंगा गाउँपालिका– २ र ३ नम्बर वडा राखुबासीले आर्थिक संकलन गरिएको महासचिब कृष्ण भण्डारीले बताउनुभयो ।
अस्पतालमा उपचार गराउन नै समस्या भएपछि परिवारले सहयोगको याचना गरेको म्याग्दीअनलाइन मार्फत समाचार प्रकाशन भएपछि दुई दिनमै सहयोग संकलन गरेर पठाइएको राखु समाज अष्ट्रेलियाका प्रवत्ता गोकुल भण्डारीले बताउनुभयो । उहाँका अनुसार, सहयोग रकम पीडित भण्डारीको श्रीमती लक्ष्मी भण्डारीको प्रभु बैँक रघुगंगा शाखामा रहेको बैँक खातामा जम्मा गरिएको छ ।
सहयोग गर्न चाहनेहरुका लागि मिर्गौला पिडित भण्डारीको श्रीमती लक्ष्मी भण्डारीको प्रभु बैँक रघुगंगा शाखामा रहेको खाता नम्बरको विवरण
laxmi bhandari 1630214248700019
phone : 9867763309
सहयोगदाताको नामावली र विवरण
1706$
