काठमाडौंमा भर्खरै सम्पन्न काभा वुमेन्स नेसन भलिबल लिग २०२४ उपबिजेता रहेको नेपाली खेलाडीलाई सरकारले जनही ३ लाख रुपैयाँ दिने सरकारको निर्णय गरेको छ।
बिहीबार बसेको मन्त्रिपरिषद् बैठकले राष्ट्रिय खेलकुद विकास नियमावली २०७९ को नियम २८ बमोजिम काभा वुमेन्स नेशन भलिबल लिग २०२४ मा नेपालको तर्फबाट सहभागी भएका १४ जना खेलाडीलाई जनही ३ लाख दिने निर्णय गरेको हो।
त्यसै गरी टोलीको , मुख्य प्रशिक्षक १ जनालाई २ लाख एवं व्यवस्थापक १, सहायक प्रशिक्षक १ र फिजियो १ गरी ३ जनालाई जनही १ लाख २० हजार रुपैयाँका दरले पुरस्कृत तथा सम्मान गर्न स्वीकृति दिने निर्णय पनि सरकारले गरेको छ ।
