म्याग्दीको बेनी नगरपालिका-९,आंखखेत कालीमुलमा बेपत्ता मीना परियारको हुलियासँग मिल्दोजुल्दो कंकाल र सामग्री फेला परेको छ । गंगटा खोज्दै गएकाले जमिनमा गाडेको अवस्थामा आइतबार दिउँसो साडे ३ बजे मानव कंकाल, चप्पल,कपडा भेट्टाएपछि गाउँमा खवर गरेका थिए ।
विगत ८ महिनादेखि बेपत्ता तोरीपानीकी १९ वर्षीया परियारले बेपत्ता हुनुभन्दा अगाडी लगाएको एक तोलाको सुनको सिँक्री, बाख्लो कपडा, रबरको चप्पल फेला पारेपछिपछि शब मीनाकै हुनसक्ने अनुमान गरिएको छ ।
Adv
घटनास्थलमा जिल्ला प्रहरी कार्यालयका प्रमुख प्रहरी नायव उपरीक्षक भरत श्रेष्ठको नेतृत्वमा खटिएकोे टोलीले घटनास्थलबाट कंकाल तथा सम्पूर्ण सामग्री संकलन गरेर अनुसन्धान थालेको छ । घटनास्थलबाट फर्किएपछि बेनीअनलाइनसँग कुरा गदैं प्रनाउ श्रेष्ठले कंकाल सहित अन्य प्रमाणहरूलाई थप जाँच र अनुसन्धानका लागि राष्ट्रिय विधि विज्ञान प्रयोगशालामा पठाउने बताउनुभयो ।
शब गाडेको अवस्थामा भेटिएको स्थान
‘घटनाको अनुसन्धान सुरू भएको छ, भोली नै प्रयोगशालामा पठाउँछौ, शब पहिचान भएपछि अन्य प्रक्रिया अगाडी बढ्छ’प्रनाउ श्रेष्ठले बेनीअनलाइनलाई भन्नुभयो । प्राप्त कंकाल, सामान र उजुरीबारे प्रमाणिक अनुसन्धान गरेर सत्य बाहिर ल्याउने प्रहरीले जनाएको छ ।
Adv
शब गाडेको क्षेत्रमा प्रसस्तै गंगटा पाइने भएकाले नेप्टेचौरका दिपक परियार, शुसिल परियार र सनम परियारले पहिलोपटक शब भेट्नुभएको थियो घटनास्थलमा वडा नं ९ का वडा अध्यक्ष चक्रबहादुर केसी, वडा नं १० का वडा अध्यक्ष मसबीर रोका समेत पुग्नुभएको थियो ।
कंकाल र अन्य सामग्री फेला पारेपछि घटनास्थलमै पुगेका आफनतले मीनाकै शब भएको दावी गरेका छन् । मीना बेपत्ता हुनुभन्दा अगाडी एक तोलाको सिंक्री खरिद गरेको, जाडो मौसम भएकाले बाख्लो कपडा लगाएको र कपडाको रंग समेत मिलेको आफन्तको भनाई छ ।
मीनाको खोजी अभियानमा सदरमुकाम बेनीबजारदेखि संघीय सरकारका तत्कालिन गृहमन्त्री रबी लामिछाने, राज्यब्यवस्था समितिका सभापति रामहरी खतिवडा, नेपाल प्रहरीको केन्द्रीय अनुसन्धान ब्युरो (सिआइबी) लगायतका निकायलाई समेत ज्ञापनपत्र बुझाइएको थियो । मीना २०८० पुस १६ गते राति घरबाटै बेपत्ता भएपछि खोजीकार्य गर्दा छिमेकी गाउँका स्थानीय युवा राम खत्रीसँगै रहेको तथ्य फेलाको थियो ।
Adv
मीनाको खोजीकार्यको क्रममा हाल पुर्पक्षमा राखेर अनुसन्धान गर्ने जिल्ला अदालतको आदेश अनुसार जिल्ला कारागारमा रहेका अभियुक्त खत्रीले मीनासँग प्रेम सम्बन्ध रहेको र यौन सम्पर्कसमेत राखेको स्वीकार गरे पनि आफूले बेपत्ता नबनाएको दावी गदैं आएका थिए ।
मीना र अभियुक्त खत्रीबिच सामाजिक सञ्जालमा कुराकानी भएको, खेत जोत्ने बेलामा चिनजान भएको, शारीरिक सम्बन्ध भएको, ६ महिनाको गर्भ रहेको, भागेर भारत जाने सल्लाह भएको म्यासेन्जर च्याट समेत भेटिएको थियो ।बेपत्ता मीनाको मोबाइलको अन्तिम ‘लोकेसन’ उत्तरी म्याग्दीको बैसरी आसपासको क्षेत्र देखिएको थियो।
