म्याग्दी प्रवासी नेपाली संघ (मोना) जापान क्षेत्रीय कार्यसमिति क्युस्युले दोस्रो मोना क्युस्यु पुरुष भलिबल फ्रेन्ड्ली म्याच आयोजना गर्ने भएको छ । आगामी सेप्टेम्बर १५ तारिखका दिन फुकुओका शहरमा प्रतियोगीता आयोजना गर्न लागिएको हो ।
स्वास्थ्यका लागि खेलकुद भन्ने मुख्य नाराका साथ म्याग्दी जिल्लाको स्वास्थ्य क्षेत्रमा सहयोग गर्ने उदेश्यका साथ पुरुष भलिबल प्रतियोगिता आयोजना गर्न लागिएको संयोजक दिपक बिकले जानकारी दिनुभयो । नाग्लो घर फुकुओका नेपाली रेस्टुरेन्ट प्रतियोगिताको मुख्य प्रायोजक रहेको छ ।
प्रतियोगिताको प्रथम पुरस्कार १ लाख २० हजार द्वितिय पुरस्कार ६६ हजार ६ सय ६६ र तृतिय पुरस्कार ३३ हजार ३ सय ३३ ट्रफी, मेडल र प्रमाणपत्र रहेको छ । साथै उत्कृष्ट खेल प्रदर्शन गर्ने खेलाडी लाई पनि पुरस्कारको व्यवस्था गरिएको छ ।
