लोकप्रिय सौन्दर्य प्रतियोगिता ‘मिस नेपाल २०२४’ को प्रतिस्पर्धामा रहेकी म्याग्दीकी ललिता शेर्बुजाले मगर जातिको इतिहास, रहनसहन, कला, भाषा र संस्कृतिको संरक्षण र म्याग्दीको पर्यटन क्षेत्रको प्रर्बधन आवश्यक रहेको बताइन् ।
हिमालय टेलिभिजनको एक कार्यक्रममा शेर्बुजाले मगर समुदायमा क्षमतावान प्रतिभाहर भएपनि अवसरको खोजीमा रहेको बताइन् । उनले आफुँले मगर कला र संस्कृतिको संरक्षणसँगै म्याग्दी सुन्दर ठाउँ भएकाले पर्यटन क्षेत्रबाट सम्रग देशको अर्थतन्त्रमा धान्न सक्ने बताइन् ।
उनले मगर समुदायका ेविशेषतासँगै म्याग्दीको पर्यटनको क्षेत्रमा योगदान दिने बताइन् । म्याग्दीको उत्तरी क्षेत्रमा पर्ने अन्नपुर्ण आधार क्षेत्रमा जाने पर्यटकका लागि समेत शौचालय सहितका पूर्वाधार बनाउन समेत अग्रसर रहेकी शेर्बुजाले आफ्नो स्वर्गीय आमाको सम्झनामा मिस नेपालको प्रतिस्पर्धामा आएको बताइन् । उनले स्वर्गीय आमाको योगदान र अधुरो सपनालाई पूरा गर्ने बताइन् ।
मिस नेपालको आयोजक संस्था हिडन ट्रेजर नेपालले मिस नेपाल २०२४ का लागि शेर्बुजालाई भोट हाल्नका लागि भोटिङ कोड १५ रहेको छ । भोटिङका लागि डिजिटल वालेट खल्ती डाउनलोड गर्नुपर्नेछ । खल्ती एपमा इन्टरटेनमेन्ट सेक्सनमा गएर भोट अप्सनमा गई मिस नेपालको भोटिङ अप्सनमा गएर भोटिङ गर्न सकिने कम्पनीले जनाएको छ ।
मिस नेपाल २०२४ का लागि खल्ती प्रयोगकर्ताले एक भोट सित्तैमा हाल्न पाउनेछन् । मिस नेपाल २०२४ मा उत्कृष्ट २६ भित्र परेकी अस्ट्रेलियाबाट नेपाल फर्केकी हुन् । मिस नेपाल २०२४ का लागि २६ जना प्रतिष्पर्धी रहेका छन् ।
