म्याग्दीमा केहीदिन यता तापक्रम अत्यधिक बढेसँगै जनजिवन प्रभावित भएको छ । यसबर्ष म्याग्दीमा ३१ डिग्री सेल्सियससम्म मापन गरिएको छ । मौसम पूर्वानुमान महाशाखाले हिमाली जिल्ला म्याग्दी सहितका क्षेत्रमा गर्मीको मापनले अहिलेसम्मको रेकर्ड तोडेको जनाइएको छ ।
अत्यधिक गर्मी र चर्को घामका कारण सर्वसाधारण चौतारी, सार्वजनिक ठाउँ र ग्रामिण क्षेत्रमा समेत सामुदायिक बन आसपासका सार्वजनिक स्थानमा जमघट देखिन्छ । तापक्रमले ३५ डिग्री नाघ्नेको बेनी नगरपालिका वडा नं ७ मंगलाघाटका सुवासकुमार श्रेष्ठको भनाई छ । ‘यस्तो गर्मीको अहिलेसम्म महसुस गरेका थिएनौ, अझै उकालो लागेजस्तो महसुस भएको छ’ श्रेष्ठले भन्नुभयो ।
अत्यधिक गर्मी बढेका कारण लाग्न रोगबाट ग्रसित बिरामी बेनी अस्पताल र विभिन्न मेडिकलमा बिरामी बढेका छन् । बेनी अस्पतालमा मेडिकल अधिकृत डा. गोविन्द पोख्रेलले गर्मीमा प्रसस्तै ताजा र सफा मात्र खान, पानी अधिक पिउन, आवश्यक काम नपरी घाममा ननिस्किन, निस्किनै पर्दा छाता ओडेर र पूरा शरीर ढाक्ने लुगा लगाएर मात्र निस्किनुपर्ने बताउनुभयो ।
