बि.स २०६० चैत ७ गते तत्कालीन नेकपा माओवादीले म्याग्दी सदरमुकाम बेनी आक्रमण गर्दा भएको भीडन्तमा छियाछिया भएको बिजुलीको (खम्बा) मदन पुस्तकालय गुठीको हाताभित्र रहेको यालमाया केन्द्रले बेनी नगरपालिकालाई फिर्ता दिएको छ ।
बि.स २०६३ साल असोज २१ गतेबेनीको मंगलाघाट जाने बाटोमा तत्कालीन सेनाको ब्यारेक अगाडि दोहोरो भिडन्तमा गोली लागेर छियाछिया बनेको पोल विद्युतका कर्मचारीसँगको मिलेमतोमा सुटुक्क लगिएको थियो ।
मानव अधिकारकर्मी कनकमणि दीक्षितले बेनी नगरपालिकाका नगर प्रहरी प्रमुख शंकर पौडेललाई हस्तान्तरण गरेका छन्। यसअघि जिल्ला समन्वय समितिका प्रमुख राजकुमार थापा, उपप्रमुख दिलकुमारी खत्री सहितको टोली पाटनढोकास्थित मदन पुरस्कार पुस्तकालयमै पुगेर अधिकारकर्मी दीक्षितलाई भेटी पोल फिर्तीको वातावरण बनाएका थिए ।
पोल लिन बेनी नगरपालिकाका नगर प्रहरी प्रमुख शंकर पौडेल, काठमाण्डौमा रहेका यूवा होटल ब्यवसायी लोकबहादुर बानियाँ आलोक सहितको टोली केन्द्रमा पुगेका थिए। युद्धका अवशेषहरू नयाँ पुस्ता र विदेशीलाई युद्ध सङ्ग्रहालय मार्फत आकर्षित गर्ने योजना रहेको बेनी नगरपालिका प्रमुख सुरत केसीले बताए ।
बेनी नगरपालिकाले ७ नम्बर वडाको वीरेन्द्रचोकमा निर्माण गर्न लागेको शान्ति पार्कमा ‘द्वन्द्वकालीन युद्ध स्मारक’ का रूपमा संरक्षित गर्न चाहेकोले पोल फिर्ता गरिदिन जिल्ला समन्वय समितिमार्फत मदन पुरस्कार पुस्तकालयलाई पत्राचार गरिएको थियो ।
०७९ वैशाखमा मेयर जितेपछि उनले पोल बेनी फिर्ता ल्याउने पहिलो निर्णयमा हस्ताक्षर गरेका थिए। बेनी आक्रमणका बेला राज्य र माओवादीका सेनाबीच लगातार १५ घण्टासम्म भिडन्त भएको थियो। बि.स २०६० चैत्र ७ गते राती ११ बजेदेखि सुरु भएको भिडन्त चैत्र १२ गते दिउँसो २ बजेसम्म भिडन्त भएको थियो ।
पोल फिर्ता हुने बहससँगै डिभिजन बन कार्यालयसँगै जोडिएको सार्वजनिक र बराहपाखो सामुदायिक बनको करिब १० रोपनी क्षेत्रफलमा शान्ति पार्क र चिल्ड्रेन पार्क बनाउने र बेनी नगरपालिकाले विस्तृत परियोजना प्रतिवेदन (डिपिआर) तयार गरी संरचना बनाउने गरी अगाडी बढेको छ ।
उक्त समयमा युद्धको नकारात्मक सन्देश नदिने र शान्तिको कामना गर्ने गरी राख्ने गरी दिने प्रतिबद्धता जनाएपछि पोल फिर्ताको प्रक्रिया सुरु भएको थियो। उक्त पोलका बारेमा दिक्षितले जिल्ला समन्वय समिति म्याग्दीलाई लेखेको पत्रमा ’सशस्त्र द्वन्दले पारेको असरको सम्झनासँगै शान्तिको कामना गर्ने र सचेतना जगाउने उदेश्यका लागि’ पोल सुरक्षित राख्न भनिएको छ ।
बेनी नगरपालिकाले शान्त पार्कका लागि प्रवासमा रहेका म्याग्देलीहरुको संस्था मोना अन्तराष्ट्रिय सहित विभिन्न संघसंस्थासँग समेत साझेदारी गर्ने जनाएको छ । बेनी आक्रमणमा माओवादीका ९ वटा बटालियनका ४ हजार ५ सय लडाकु र १ हजार ९ सय स्वयंसेवक संलग्न थिए । माओवादीले बेनी आक्रमणमा ६६ वटा एके–४७ राइफल प्रयोग गरेका थिए ।तत्कालीन माओवादी र राज्य बिच सबैभन्दा ठुलो आक्रमण बेनीमा भएको थियो।
बिहिबार मदन पुस्तकालय गुठीको हाताभित्र रहेको यालमाया केन्द्रबाट निकालिदैं । तस्वीर सौजन्य आलोक बानियाँ
