रोजगारको सिलसिलामा मलेसियामा पुगेका एक म्याग्देली अचानक बिरामी भएपछि अस्पतालमा अलपत्र परेका छन् । म्याग्दीको रघुगंगा गाउँपालिका-८, का २६ बर्षिय दिपक छन्त्यालको सरकारी अम्पाङ्ग अस्पतालमा विगत १४ दिनदेखि उपचारार्थ छन्त्यालको स्वास्थ्य अवस्था जटिल रहेकाले तत्काल उपचारमा आर्थिक तथा उद्धारको आवश्यकता रहेको बताइएको छ ।
अचानक विरामी भएपछि अस्पतालमा भर्ना भएका छन्त्यालको मुटु र मृगौलामा खरावी भएको भन्दै परीक्षण गरिएको छ भने अक्सिजनको सहायतामा उपचार भइरहेको मोना मलेसियाका अध्यक्ष पूर्ण रोका मगरले बताए । ‘रिर्पोटहरू आउन बाँकी छ, सामान्य बोल्छन्, अहिलेकै अवस्थामा उपचार सम्भव नभएकाले सबैको सहयोगको आवश्यकता छ’ अध्यक्ष रोकाले भने ।
बिरामी भएर अस्पतालमा भर्ना भएको जानकारीपछि मलेसियाको जोहोर बारु सेनाईबाट ३८० किलोमिटरको यात्रा पछि अस्पतालमा पुगेका अध्यक्ष रोकाले सरकारी अस्पतालको उपचार खर्च आर्थिक सहयोग जुटाएर मात्रै सम्भव नहुने भएकाले कम्पनी र नेपाली दुताबासमार्फत समेत पहल आवश्यक रहेको बताए । अस्पताल आसपासका क्षेत्रमा रहेका म्याग्देलीलाई छन्त्यालको उपचारमा सघाउन र स्वास्थ्यकर्मीबाट नियमित जानकारी लिन समेत उनले अनुरोध गरे ।
उनले छन्त्यालको परिवारलाई समेत अवस्थाका बारेमा जानकारी गराएको बताए । छन्त्यालको स्वास्थ्य अवस्थाका बारेमा नेपाली दुतावासको समेत ध्यानाकर्षण गराइएको बताउँदै जीवमरणको दोसाधमा रहेकोले उनको जीवन रक्षामा विशेष ध्यान दिनुपर्ने अध्यक्ष रोकाले बताए । अस्पतालमा भर्ना भएका छन्त्यालका उद्धारको खाँचो रहेको मोना मलेसियाले जनाएको छ ।
Hospital Details:-Government hospital Jalan Mewah Utara, Taman Pandan Mewah, 68000 Ampang, Selangor, Malaysia
