कतारमा रहेका म्याग्देलीहरुको साझा संस्था म्याग्दी प्रवासी नेपाली संघ (मोना) कतारले स्थापना गरेको मोना कतार बहुउद्देश्यीय अक्षयकोषको प्रथम साधारणसभाबाट बिक्रम कार्कीको अध्यक्षतामा नयाँ कार्यसमिति चयन भएको छ । मोना कतारमा आबद्ध रही नेपाल फर्किएकाहरुलाई सहयोग, सामाजिक एवम् मानवीय सेवामा सहयोग गर्ने स्थापना भएको कोषको उपाध्यक्ष प्रेम रसाईली, सचिव तिलु शर्माकोषाध्यक्ष रमेश पौडेल रहेका छन् ।
त्यसैगरी सदस्यमा हरिकृष्ण गौतम, नरेन्द्र फगामी,अजय कुवँर, बालकृष्ण खत्री, लिला चोखाल, राजु पौडेल र टिका रोका मगर रहेका छन् । साधारण सभाको एनआरएनए कतारका अध्यक्ष रमेश भट्टले उद्घाटन गदैं मोना कतारको लोकप्रिय कार्यबाट उत्साहित भएको बताए ।
उनले कतारमा रहेका नेपाली संघसंस्थामा मोना कतार निकै सक्रिय रहेको बताउँदै एनआरएनले समेत अभियानमा सहयोग गर्ने बताए । सोही अवसरमा गैर आवासीय नेपाली संघ एनआरएनएका केन्द्रिय अध्यक्ष रविना केसीले म्याग्देलीको एकता र सहकार्य लोभलाग्दो भएको बताईन् ।
म्याग्देली चेली केसीले मोनामार्फत हुने कार्यक्रहरुले जन्मभूमिप्रतिको मायाँ प्रष्ट हुने बताईन् । कोषका नवनिर्वाचित अध्यक्ष मोना कतारका पूर्व अध्यक्ष तथा बर्तमान संरक्षक कार्कीले म्याग्दी जिल्ला भित्र आइपर्ने प्राकृतिक प्रकोप तथा विपत्तीका समयमा आवश्यकता अनुसारको सहयोग उपलब्ध गराउने बताए ।
मोना कतार अक्षयकोषको संरक्षक रहेको कोष जिल्ला प्रशासन कार्यालय म्याग्दीमा दर्ता भएको छ । कोषले ५ हजार ५ सय ५५ रुपैयाँ तिरेर आजीवन सदस्यता लिन सकिने व्यवस्थासमेत गरेको छ । बेनी नगरपालिका वडा नम्बर ७ बिरेन्द्रचोकमा कार्यालयसमेत स्थापना गरेको कोषमा १५ लाख ४३ हजार रुपैयाँ रहेकोमा १ करोड पुर्याउने लक्ष्य छ ।
कोष स्थापना गर्न आर्थिक, नैतिक, भौतिक, प्रशासनिक, कानुनी तथा विभिन्न माध्यमबाट सहयोग पु¥याउने सम्पूर्णलाई साधारणसभाको अवसरमा मोना कतारका अध्यक्ष राजु पौडेलले धन्यवाद सहित आभार समेत प्रकट गरेका छन् । सन् २०१९ बाट अक्षयकोषको लागि मोना कतारले गृहकार्य शुरु गरे पनि २०२१ मा कोषको स्थापना गरिएको थियो । सन् २००३ मा स्थापना भएको कोषको ंसंरक्षक मोना कतारले जिल्ला तथा कतारमा विभिन्न समस्यामा परेकाहरुलाई आवश्यक सहयोग गर्दै आएको छ ।
