पर्वतको जलजला गाउँपालिकामा जारी गाउँपालिकास्तरीय अन्तर विद्यालय प्रथम राष्ट्रपती रनिङ शिल्ड प्रतियोगिताको खेल सकिनु अगावै न्यु होराइजन आवासीय माध्यमिक विद्यालयको विजय सुनिश्चित भएको छ ।
“खेल स्वास्थ्यका लागी खेलाडी राष्ट्रका लागी“ भन्ने मुल नाराका साथ जारी प्रतियोगितामा होराइजनले सम्रग नतिजामा अग्रता लिएकाले प्रतियोगिताको उपाधी निश्चित भएको विद्यालयका प्रिन्सिपल अर्जुन पौडेलले बताउनुभयो । ‘एउटा खेलमात्रै बाँकी छ, पदकतालिकामा हामीले उछिनेका छौ’ पौडेलले भन्नुभयो ।
१६ विद्यालयको सहभागिता रहेको प्रतियोगितामा भलिबल, एथलेटिक्स सहितका खेल गरी ११ वटा इभेन्ट भएको थियो । जसमा भलिबलको एक खेल बाहेक सबै सकिएको छ । प्रतियोगितामा होराइजनले ९ स्वर्ण,४ रजत र ३ काँस्य जितेको छ । त्यस्तै विद्याज्योति माविले ६ स्वर्ण, ४ रजत र ६ कास्य जितेको छ भने जनकल्याण माध्यमिक विद्यालय नाग्लिवाङले ३ स्वर्ण पदक र ७ रजत पदक सहित तेस्रो भएको छ । प्रतियोगिताको बाँकी खेलबाट एक पदक मात्रै जोडिने छ ।
