के तपाईको सेयर बजारसम्बन्धि कारोबार गर्ने डिम्याट एकाउण्ट छैन ? यदि छैन भने तपाईले निशुल्क डिम्याट खाता खोल्न पाउनुहुने छ । म्याग्दी उद्योग वाणिज्य संघको मूल आयोजनामा बेनीको खुलामञ्चमा जारी सातौं म्याग्दी महोत्सव, माघेसङ्क्रान्ति मेला, गण्डकी प्रदेशस्तरीय कृषि, औद्योगिक, व्यापार मेलाको अवसरमा भिजन सेक्यूरिटिज प्रालिले स्टल नै राखेर निशुल्क शेयर बजारसम्बन्धि जानकारी तथा डिम्याट खाताको सुविधा दिएको छ ।
महोत्सवस्थलमा रहेको स्टलमा डिम्याट खाता खोल्नुका साथै विभिन्न कम्पनीको लगानीका बारेमा समेत प्रत्यक्ष जानकारी दिने गरिएको ब्रोकर नं ३४ रहेको भिजन सेक्यूरिटिज प्रालिको बेनी शाखका प्रमुख बिशाल हमाल ठकुरीले बताए।‘महोत्सवमा घुम्न जानेलाई सेयरबजार बारेमा बुझन् अनुरोध गर्दछु,‘अहिले सर्वसाधारणका लागि जारी गरिएको सेयरका बारेमा पनि हामीले बुझाइरहेका छौ’ ठकुरीले भने ।
उनका अनुसार आगामी डिसेम्बर ३१ तारिक सम्म निशुल्क डिम्याट खोल्ने कार्यक्रम महोत्सव सकिएपछि गणेशटोलको कार्यालयबाटै गरिने बताए । डिम्याट खाता खोलन नागरिकताको फोटोकपी र दुईप्रति पासर्पोट साइजको फोटो चाहिन्छ ।
