म्याग्दीको बेनी नगरपालिका-५,भीरमुनीमा अवस्थित पौलस्त्य माध्यमिक विद्यालयमा स्थापना गरिएको पौलस्त्य मावि अक्षयकोषले २ लाख बराबरको शैक्षिक पोशाक वितरण गरेको छ । विद्यालयमा अध्ययतरत विद्यार्थीको शैक्षिक तथा विविध क्षेत्रमा सहयोग गर्ने उदेश्यले स्थापना गरिएको कोषबाट बालविकासदेखि कक्षा १२ सम्म अध्ययनतर १ सय ६५ जना विद्यार्थीलाई पोशाक वितरण गरिएको शिक्षक गजेन्द्र श्रेष्ठले जानकारी दिनुभयो ।
बि.स २०७५ सालमा स्थापना भएको कोषमा हालसम्म ८ लाख संकलन गरिएकोमा उक्त कोषको ब्याजबाट सहयोग गरिएको हो । सहयोग कोषका संस्थापक अध्यक्ष एवम् वडा अध्यक्ष गोविन्द बानियाँ, विब्यस अध्यक्ष नविन बानियाँ, कोषका अध्यक्ष दुर्गा बानियाँ, प्रअ प्रेमबहादुर बानियाँ लगायतले विततरण गर्नुभएको थियो । विद्यालयको शैक्षिक गुणस्तर वृद्धि गर्न र अक्षयकोषको व्याजबाट विद्यालयमा शैक्षिक कार्यक्रम सञ्चालन तथा शिक्षामा सहयोग गर्ने उद्देश्यसहित अक्षयकोषको स्थापना गरिएको विद्यालयले जनाएको छ ।
