म्याग्दी मोवाईल तथा इलेक्ट्रिक्स संघ म्याग्दीको प्रथम अधिवेशनबाट नयाँ कार्यसमिति चयन भएको छ । बेनी नगरपालिका–६ डम्बरामा आयोजित साधारणसभाको अवसरमा हेमन श्रेष्ठको अध्यक्षतामा उपाध्यक्ष अर्जुन आचार्य, सचिव विनोद सुबेदी, कोषाध्यक्ष रामकृष्ण सुबेदी रहेका छन् ।
त्यसैगरी सदस्यहरूमा इश्वर आचार्य केशब, सुयोग श्रेष्ठ, नगेन्द्र बस्नेत, भगवती पौडेल सुबेदी, नन्दकली सापकोटा, ओसिन श्रेष्ठ, बेलबहादुर केसी,टुंङ्गनाथ कँडेल,शिल भण्डारी शर्मा रहेको सचिव विनोद सुबेदीले जानकारी दिनुभयो । सोही अवसरमा गठित दरबाङ इकाई समितीमा विष्णु केसी, खगेन पुन, जिवन पुन र मकेस किसान रहनुभएको छ ।
अधिवेशनको उद्घाटन गदैं प्रमुख अतिथि म्याग्दी उद्योग वाणिज्य संघका अध्यक्ष बेलबहादुर कटुवालले ब्यवसायी बिचको एकता र सहकार्य आवश्यकता रहेको बताउनुभयो । उहाँले मोवाइल चोरी गरी बिक्री गर्ने प्रबृत्ति तथा ब्यवसायीक गुनासो र सम्भावनाको क्षेत्रमा काम गर्न सहज हुने बताउनुभयो ।
अधिवेशनको अवसरमा होटल तथा रेष्टुरेन्ट ब्यवसायी संघका केन्द्रिय सचिव ताराप्रसाद बाबुराम आचार्य, मोवाइल बिक्रेता विनोद केसी, सुदिप कँडेल लगायतको उपस्थिती रहेको थियो । अधिवेशनमा आर्थिक प्रतिवेदन रामकृष्ण सुबेदी, अधिवेशन सहित कार्यक्रमका बारेमा जानकारी इश्वर आचार्यले गर्नुभएको थियो ।म्याग्दी जिल्लमा रहेको मोवाइल तथा इलेक्ट्रिक्स ब्यवसायीको साझा संस्था संघले ब्यवसायसँगै बिपन्न परिवारलाई खाद्यान्न र शैक्षिक साम्रागी सहयोग लगायतका कार्यहरु गरेको छ ।
