राष्ट्रिय वाणिज्य बैंक बेनी शाखाले बेनी नगरपालिकाभित्रका विपन्नको निशुल्क स्वास्थ्य बीमा गरिदिएको छ। चरम गरिबीकै कारण वार्षिक ३ हजार ५ सय रुपियाँ तिर्न नसक्नेको पहिचान गरी संस्थागत सामाजिक उत्तरदायीत्व अन्तर्गत बैंकले १० परिवारलाई सहयोग गरेको हो । बेनी नगरले तयार गरेको तथ्याङ्कमा परेका अति विपन्नलाई स्वास्थ्यको पहुँचमा पु¥याउँन निशुल्क बीमा कार्यक्रम अन्तरगत गैर सरकारी संस्था संगम म्याग्दीको साझेदारीमा सहयोग गरिएको बैंकका बेनी शाखा प्रबन्धक नवराज ढुंगानाले बताउनुभयो ।
‘विपन्नलाई वित्तिय साक्षरता कार्यक्रममा समेत जोडेका छौ,‘वित्तिय पहुँच नपुगेकालाई हामीले संस्थागत सेवामा प्राथमिकता दिएका छौ’ प्रबन्धक ढुंगानाले भन्नुभयो । म्याग्दीमा क्रियाशिल संगम म्याग्दीले सिफारिसमा बैंकले २ जनाको नविकरण तथा ८ जना नयाँलाई स्वास्थ्य विमा गरिदिएको बैंकले जनाएको छ ।
स्वास्थ्य विमा हस्तान्तरणसँगै रत्नेचौर, घतान, पुलाचौर, पात्लेखेत र सिंगामा गरी ५ वडामा वित्तिय साक्षरता कार्यक्रम समेत सञ्चालन गरिएको थियो । स्वास्थ्य विमा हस्तान्तरण कार्यक्रममा मेयर केसीले विपिन्नको समस्या समाधान तथा आत्मनिर्भर बनाउने अभियानमा सक्रिय रहेको बताउनुभएको थियो ।
‘विपन्नलाई निशुल्क विमामा वित्तिय संस्थाको सहयोग आवश्यक छ,‘यूवालाई फाईनान्सियल ट्रेनिङका कार्यक्रम ल्याउन पहल गरिरहेका छौ’ मेयर केसीले भन्नुभयो। बेनी नगरमा कार्यक्षेत्र बनाएका वित्तिय संस्थाले सामाजिक उत्तरदाहित्व अन्तरगतका कार्यक्रमलाई समेत प्राथमिकता दिनुपर्ने बताउनुभयो ।
वित्तीय क्षेत्रमा आफ्नो करियर बनाउन चाहने युवाहरुलाई तालिम, विपन्नलाई सहयोग र सहुलियतमा कर्जामार्फत आत्मनिर्भर बनाउने अभियानमा नगरपालिका रहेको मेयर केसीको भनाई थियो ।
