सामाजिक र मानविय सेवाको क्षेत्रमा क्रियाशिल लायन्स क्लब अफ म्याग्दी दोभानले मंगलबार प्रसिद्ध धार्मिकस्थल महारानी मन्दिरमा सरसफाई तथा पूजारीलाई बस्त्र हस्तान्तरण गरेको छ। क्लवले बेनी नगरपालिका–७, महारानीथान प्राङ्गनमा सरसफाई तथा मन्दिरका पूजारीमा बस्त्र हस्तान्तरण गरेको क्लवकी अध्यक्ष कमला जिसीले बताउनुभयो। सदरमुकाम बेनी आसपासमै रहेको मन्दिरमा आउने भक्तजनलाई सहज हुने र सफा र सुन्दर मन्दिर बनाउने अभियानमा क्लवले विगतदेखि नै विभिन्न कार्यक्रम गर्ने गरेको अध्यक्ष जिसीको भनाई छ ।
‘रचनात्मक कार्यक्रमहरुलाई प्राथमिकता दिन्छौ,‘सामाजिक कार्यमा समय दिने गरी क्लवमा आवद्ध भएका छौ’ जिसीले भन्नुभयो । सहयोग हस्तान्तरण कार्यक्रमको सञ्चालन राधिका सापकोटाले गर्नुभएको थियो । कार्यक्रममा क्लवकी संस्थापक अध्यक्ष अमृतदेवी बानियाँ लगायतको उपस्थिती रहेको थियो । म्याग्दी जिल्लामा लायन्समा आवद्ध रहेर विभिन्न सामाजिक कार्यमा सक्रिय हुने उदेश्यले क्लवको स्थापना गरिएको थियो । क्लवमार्फत विभिन्न रचनात्मक कार्यक्रमसँगै आयमुलक तालिम समेत सञ्चालन गदै आइरहेको छ ।
