सडक विस्तार तथा स्तरोन्नतीका लागि बेनी-अर्थुङ्गे–पाखापानी सडकखण्ड अन्तरगत अर्थुङ्गे–घतान खण्ड एक हप्ताका लागि बन्द गरिएको छ । सडकखण्ड अन्तरगत बेनपा–६ को काफलबोट र वडा ९ घतानको माटोविसौनामा निर्माणकार्य भइरहेको अवस्थामा एक साता सडकमा सवारीसाधन सञ्चालन नहुने बेनपा ९ का वडा अध्यक्ष चक्र केसी बताउनुभयो।
‘बैकल्पिक सडक सहज भएकाले यात्रुलाई समस्या हुदैन्,‘बैकल्पिक सडक अवरुद्ध भएमा तत्काल मर्मत गरिन्छ’ वडा अध्यक्ष केसीले भन्नुभयो । शहरी विकास तथा ढल निकास आयोजना बागलुङ र कार्यशक्ति कन्स्ट्रक्सन एण्ड इन्जिनियरिङ प्रालि विच सम्झौता २८ लाख २३ हजारमा सम्झौता भएको थियो ।
वडा कार्यालयले आज सूचना जारी गदैं बन्द अवधीभर अत्यावश्यक सेवा सहित नियमित रुपमा सडकमा सवारी बेनी–गलेश्वर काउलेगौडाको सडक प्रयोग गर्न अनुरोध गरेको छ । उक्त अवधिमा वैकल्पिक सडकमार्ग प्रयोग गरी निर्माणकार्यलाई सघाउन अपिल गरिएको छ । सडकखण्डमा ढलान, ग्याविनजाली सहित अन्य संरचनाको काम भइरहेको छ ।
