जिल्ला प्रहरी कार्यालय मुस्ताङले एक किशोरीलाई जवर्जस्ती करणी गरेको आरोपमा एक युवकलाई पक्राउ गरेको छ । पक्राउ पर्नेमा बारागुङ मुक्तिक्षेत्र गाउँपालिका वडा नं. ३ चैलेका २९ वर्षीय राजन विक रहेका छन् ।
प्रहरीका अनुसार विकले १६ वर्षकी एक किशोरीलाई जबरजस्ती करणी गरेका थिए । विकले बारागुङ मुक्तिक्षेत्र गाउँपालिका वडा नं. ३ समरस्थित सामुदायिक भवनको शौचालयमा लगि शनिबार साँझ जबरजस्ती करणी गरेको खुलेको प्रहरीले जनाएको छ ।
जिल्ला प्रहरी कार्यालय मुस्ताङबाट खटिएको प्रहरी टोलीले सोमबार साँझ घरपझोङ गाउँपालिका–४ जोमसोमबाट विकलाई पक्राउ गरेको हो । विकमाथि आवश्यक अनुसन्धान भइरहेको प्रहरीले जनाएको छ ।
