म्याग्दीका एक यूवाले दक्षिण कोरियाको जेजु टापुमा आयोजित हर्स राइडिङ प्रतियोगितामा स्वर्ण पदक जितेका छन् । उच्च शिक्षाको सिलसिलामा दक्षिण कोरियामा पुगेका बेनी नगरपालिका-८,पिपलचोकका प्रवेश खत्री क्षत्रीले चेजु हल विश्वविद्यालय अन्तरगत आयोजित प्रतियोगितामा दुई स्वर्ण पदक जितेका हुन् ।
बेनीको माउण्ट एभरेष्ट आवासीय माविबाट एसईई दिएका क्षत्रीले सन् २०१८ मार्चमा विश्वविद्यालयमा भर्ना भएर घोडाको रेखदेख गर्ने कम्पनीमा काम गदै सिकेको सीपलाई प्रयोग गरी कोरियन प्रतिस्पर्धीलाई उछिन्दै २० सेमी क्लास जम्पिङ र ७० सेमी क्लास जम्पिङमा स्वर्ण जितेको क्षत्रीले बताए ।
‘कामले सिप सिकाएपछि सहभागी भएको थिए,‘यसपटकको प्रतियोगितमा सोचेजस्तै सफलता मिलेको छ’ उनले भने । सन् २०२० डिसेम्बरमा जम्पिङ रिलेमा चौथो, सन् २०२१ मे महिनामा भएको ६ खेलमा ४० कक्षा जम्पिङमा रजत, रिलेमा स्वर्ण र समूह मिसनमा काँस्य पदक जितेका थिए ।
लामो समयसम्म कोरोना भाइरसका कारण प्रतियोगिता नभएपनि यसपटक ७९ कोरियन सहभागी भएको खेलम प्रवेश एक्लो विदेशी प्रतिस्पर्धी थिए ।
उनले उच्च शिक्षाको क्रममा एकबर्षसम्म काम नपाएको अवस्थाका घोडी घरमा पाएको कामले नयाँ सिप र उर्जा दिएको बताए ।उनले एकबर्ष काम गरेपछि हाल बाएन्ग्दुई घोडा फिर्ता क्लबबाट माइल घोडा शो जम्पिङ खेलमा सहभागी भएका थिए । उनले हालसम्म प्रतियोगितामा कोरियालीसँग प्रतिस्पर्धा गरेका छन् ।
हाल नयाँ कोर्स सहित प्रतियोगितामा सहभागी भइरहेका क्षत्रीले अन्तराष्ट्रिय हर्स राइडिङमा समेत सहभागी हुने लक्ष्य राखेको बताए । कोरियाको परम्परागत चलन मध्येको एक घोडसवारी समेत मानिन्छ । राइडिङ ग्राउन्ड र क्लबहरूमा घोडा चढ्ने उत्साहको लहर छाएको छ भने हरेक ग्राउण्डमा राइडर्स प्रतियोगिता हुन्छ ।
