म्याग्दीको मालिका गाउँपालिकाको कार्यपालिका सदस्यमा नेकपा एमालेका ३, नेकपा माओवादीका २ र एकिकृति समाजवादीका १ जना निर्वाचित भएका छन । बिहिबार भएको कार्यपालिका सदस्य निर्वाचनको मत परिणाम अनुसार कार्यपालिका सदस्य मा महिला तर्फ नेकपा एमालेका छरदेवि घर्ति, प्रतिक्षा विश्वकर्मा र मन कुमारी पुन निर्वाचित हुनुभएको हो । उहाँहरुले १९÷१९ मत प्राप्त गर्नुभएको छ । त्यस्तै महिला तर्फ नेकपा माओवादीका देवी पटेल निर्वाचित हुनुभएको छ उहाँले १९ मत प्राप्त गरि विजयी हुनुभएको हो ।
नेकपा एमालेका गौमति चपाईँ, नेपाली काँग्रेसका तनदेवी पूर्जा, तुलसी देवि पूर्जा र भिमकुमारी पुन १७÷१७ मत लिएर पराजित हुनुभएको छ । दलित वा अल्पसंख्यकतर्फबाट नेकपा माओवादीका दल बहादुर खड्काथोकी २० मत लिएर विजयी हुनुभएको छ भने नेकपा एकिकृत समाजबादीका अनुप गौचनले १९ मत प्राप्त गरि विजयी हुनुभएको निर्वाचन अधिकृतको कार्यालयले जनाएको छ ।
दलित वा अल्पसंख्यकतर्फ नेकपा एमालेका खरमाया विटालु १८ र खिममाया पटेल १७ मत प्राप्त गरि पराजित हुनुभएको छ । कार्यपालिका सदस्य निर्वाचनमा एमालेको १७, काँग्रेसको १५ र माओवादीको ५ गरि ३७ जना मतदाता रहेका थिए । निर्वाचन पूर्व नेपाली काँग्रेस, नेकपा माओवादी र एकिकृत समाजबादीले तालमेल गरेका थिए ।
तालमेल गर्दा एमालेसंग मतदाता संख्या १७ र उनिहरुसंग २० पुगेको थियो । नेकपा माओवादीले फ्लोर क्रस गर्दा नेकपा एमालेका ३ जना सदस्य विजयी भएका हुन । १५ सदस्य रहेको कार्यपालिकामा नेकपा एमालेको ८ सदस्य सहित बहुमत पुगको छ । काँग्रेसको ३, माओवादीको ३ र एकिकृत समाजवादीका १ जना सदस्य रहेका छन ।
