गाई मारेको कसूर मुद्दामा म्याग्दी जिल्ला अदालतबाट १÷१ बर्ष कैद सजाय ठहरिएका फरार दुई जना प्रतिवादीहरुलाई पक्राउ गरिएको छ । म्याग्दीको मालिका गाउँपालिका– १ निस्कोटको छिस भन्ने स्थानमा बस्ने बर्ष ४० का दिल बहादुर दमाई र सोही स्थानमा बस्ने बर्ष ४८ का तेज बहादुर पुनलाई सोमबार ईलाका प्रहरी कार्यालय दरवाङबाट खटिएको प्रहरी टोलिले पक्राउ गरेको हो।
पक्राउ परेका दुबै जनालाई जिल्ला अदालत म्याग्दीमा उपस्थित गराई अदालतको आदेशले कैद भुक्तानको लागि जिल्ला कारागार म्याग्दी चलान भएको जिल्ला प्रहरी कार्यालयले जनाएको छ । मुलुकी अपराध संहिताको दफा २८९ ले गाई वा गोरु मारे तीन वर्षसम्म कैद हुने र कुटी अंगभंग गरे ६ महिनासम्म कैद हुने व्यवस्था गरेको छ ।
