कम्प्युटर एशोसियसन अफ नेपाल म्याग्दी शाखाले बेनी अस्पताललाई स्यानीटाइजर सहयोग गरेको छ । आइटी डे को अवसरमा म्याग्दी शाखाका अध्यक्ष बामदेव रिजालले ५ हजार बराबरको स्यानिटाइजर खरिद गरी सहयोग भएको हो ।
कोभिड–१९ को जोखिमका बेला अग्रपंतिमा रहेर काम गरिरहेका स्वास्थ्यकर्मी र अस्पतालमा आउने बिरामीलाई प्रयोग गर्न उक्त सहयोग हस्तान्तरण गरिएको शाखाका सचिव लालबहादुर बहादुर कार्कीले बताए ।
कार्यक्रममा अस्पताल ब्यवस्थापन समितिका अध्यक्ष बेलबहादुर कटुवालले ब्यक्तिगत तथा संस्थागत सहयोगले अस्पताललाई सहज भएको बताए । म्याग्दी जिल्लाका कम्प्युटर ब्यवसायीको साझा संस्था क्यानले यसअगाडी समेत विभिन्न रचनात्मक कार्य गदैं आइरहेको छ। क्यानले पेशागत हकहितसँगै सामाजिक कार्यमा समेत प्राथमिकता दिने गरेको छ।
