म्याग्दीको बेनी नगरपालिका-७,बिरेन्द्रचोकमा १ सय बर्ष पूरानो चौतारीमा रहेको लक्ष्मीनारायण मन्दिरमाको दानपेटिकाबाट रकम चोरी भएको छ।
जिल्लाको प्रशासनीक निकाय अगाडी रहेको मन्दिरबाट मंगलबार राती दानपेटिका फुटाएर १२-१५ हजार नगद सहित केही थान पित्तल र पुजाको साम्रागी चोरी गरेको बिरेन्द्रचोक टोल विकास संस्थाका अध्यक्ष महेन्द्र श्रेष्ठले बताउनुभयो ।
‘भक्तजनले मन्दिरका लागि दान गरेको रकम दानपेटिका नै फुटाएर चोरी गरिएको छ, सिसीटिभीबाट खोजीकार्य भइरहेको छ, अन्य मन्दिरमा पनि यस्तै हुनसक्छ सतर्कता अपनाउनुपर्ने देखियो’ अध्यक्ष श्रेष्ठले भन्नुभयो ।
चोरी घटनामा संलग्नको हुलिया पहिचान गरी प्रहरीले खोजीकार्य गरिरहेको छ । चोरीमा संलग्नको पहिचान एवं पक्राउ गरिने जिल्ला प्रहरी कार्यालयले जनाएको छ । बेनीबजार क्षेत्रमा बालक र किशोरहरुको समुह चोरीका विभिन्न घटनामा संलग्नता हुने गरिएको छ।
